jool
06-29-2009, 12:21 PM
ا
اليوم قرات في موقع syria news مقالا للانسة نور العكة وحبيت اشارككم به نور العكة صحفيةمن خبب بنت االأستاذ المهندس راتب العكة
الى الأمام نور والى مواضيع افضل
واليكم المقال
واليكم المقال
المقال
قصة الفتاة التي اغتصبها الشباب الأربعة كما تراءت لي ... بقلم : نور عكة
هيك بلشت قصتي أو يمكن هيك خلصت!
اليوم عرس بنت خالا للماما وهي أول مرة بتخليني ماما روح ع العرس ، هي ما كانت بدا ياني روح معن لأنو العرس للكبار بس أنا قلتلها الله يوفقك خليني روح بدي البس الفستان الجديد وارقص مع العروس والعريس الله يوفقك خليني روح بس هالمرة.
وافقت الماما وأنا كنت كتير مبسوطة لأنو رح البس فستاني القصير، هو مو قصير كتير يعني بيوصل لعند الركبة وأنا قاعدة، بس لما وقف بيصير أطول شوي .
كنت بدي حط حمرة متل العروس بس الماما ما خلتني وقالتلي بس تكبري بحطلك حمرة بس هلق ما في، زعلت شوي بس هي راضتني وقالتلي إنو رح تسمحلي حط رباطات الشعر الملونين يلي كانت مخبيتلي ياهن مشان اربط شعراتي .
قبل ما نطلع ضليت اتفرج على حالي كتير بالمراية وكانوا رح يتأخروا بسببي، بس أنا كنت كتير مبسوطة وكتير حاسة إني طالع حلوة بالفستان الأبيض وربطات الشعر الملونين .
وصلنا ع العرس ع الوقت تمام وكانوا الكل مبسوطين ، والعروس طالعة بتجنن وكان فستانا بيشبه فستاني شوي بس مو قصير، وكانت فرحانة وعم ترقص مع العريس ، حاولت قرب منهن لحتى ارقص جنين بس ما قدرت لأنو كتير عجقة ، وأنا كتير قصيرة وكل العالم أطول مني.
بعد شوي صار وقت تقطيع الكاتو وكان القالب أكبر قالب بشوفو بحياتي ... يالله شو حلو وكبير مو متل القالب اللي جابولي ياه بابا وماما بعيد ميلادي هو صحيح كان طيب كتير بس مو كبير قد هادا القالب.
كان في كم واحد عم يقطعوه القالب ويوزعوا ع المعازيم بس أنا محدا انتبهلي لأني صغيرة ، واستحيت قلن يعطوني قطعة لأنو الماما كانت تقلي بس نكون بشي زيارة أو عند العالم عيب نحنا ناخد لحالنا لازم نستنى لحتى هنن يضيفونا، حاولت دور علماما مشان تجبلي قطعة كاتو بس ما شفتا لأنو في عالم كتير ، وفجأة لقيتها وكانت جايبتلي قطعة الكاتو عطتني ياها وقالتلي روحي عدي هونيك وكليها وبس تخلصي ناديلي لحتى آخدك وغسلك اديكي.
عملت متل ما قالت الماما وقعدت ع الكرسي وأنا عم آكل قطعة الكاتو عطشت كتير ، والدنيا شوب كتير ، قلت يا ريتها جابتلي كازوزة مع قطعة الكاتو، وبعد شوي إجا لعندي واحد هو مو صغير يعني قد العمو مازن وقللي انو رح يجبلي كازوزة اذا رحت معو، تذكرت انو الماما قالتلي انو ما آخد شي من حدا ما بعرفو لأنو في كتير ناس مو مناح وبيخطفو الولاد الصغار وبيضحكو عليهن بالشغلات الطيبة ، بس أنا كنت كتير عطشانة وقلت لحالي انو مو معقول هاد العمو يخطفني قدام كل العالم مشان هيك رحت معو.
مشينا أنا والعمو لحتى صرنا بعاد شوي عن العرس وصار المكان عتمة قلتلو عمو انا خايفة وما عاد بدي كازوزة وطلبت منو يرجعني ع العرس بس ما قبل وقلي اسكت بس أنا ما رديت عليه وبلشت ابكي وصرخ قام ضربني، وقلي كلما صرخت رح يضربني أكتر ، خفت كتير وبطلت صياح مشان ما يضربني وصرت ابكي من دون صوت لأنو ما اقدرت ما ابكي.
بعدين وصلنا عمكان كتير بيخوف عتمة وكلو وسخ وكان في تلاتة ناطرينو للعمو ، قلتلهن إنو أنا بدي ارجع ع العرس وقلت بلكي هنن بيساعدوني وبيقولولو يرجعني ، اترجيتهن واحد واحد بس ما حدا منهن رد علي، وكانواعم يضحكو ويطلعوا فيي بطريقة غريبة ما بعرف كيف بدي أوصفها بس كانوا بيخوفوا، بعدين قرب العمو علي وصار بدو يشلحني ، قلتلو إنو الماما قالتلي انو عيب اشلح تيابي قدام حدا بس ما رد علي.
بكيت كتير وطلبت منو وقلتلو مشان الله ياعمو هلق ماما بتخانقني إذا وسخت الفستان الله يخليك لا تشقو ... لا تكبو ع الأرض هلأ يتوسخ بس ما رد عليي.
قلتلن لرفقاتو يقولولو انو يتركني وأنا برجع لحالي ع العرس بس محدا رد عليي... محدا رد علي.......
كنت عم قول لحالي ليش هيك عم يعمل معي هو ورفقاتو بس ما عرفت لأنو وأنا عم اسألهن غبت عن الوعي وما حسيت على شي حواليي، أنا بس بدي أعرف ليش هيك عملوا وقبل ما غيب عن الوعي كنت عم بسألهن بس ما حدا رد علي...............
مشان هيك رح اسألكن انتو بلكي بتعرفوا ليش هيك عملوا معي؟
يمكن لأنو فستاني كان قصير؟؟؟
يمكن لأنو ربطات شعري كانوا كتير حلوين؟
أو يمكن لأي كنت كتير عطشانة وجاي عبالي اشرب كازوزة مع الكاتو؟
الله يخليكن لا تكونوا متلي وجاوبوني .. الله يخليكن حدا يرد علي........
حدا يرد علي.....
حــــدا ..... يـــرد.............. علـــي
الموضوع المتعلق
أربعة شبان يتناوبون على اغتصاب طفلة عمرها 4 سنوات خلال حفل زفاف
اليوم قرات في موقع syria news مقالا للانسة نور العكة وحبيت اشارككم به نور العكة صحفيةمن خبب بنت االأستاذ المهندس راتب العكة
الى الأمام نور والى مواضيع افضل
واليكم المقال
واليكم المقال
المقال
قصة الفتاة التي اغتصبها الشباب الأربعة كما تراءت لي ... بقلم : نور عكة
هيك بلشت قصتي أو يمكن هيك خلصت!
اليوم عرس بنت خالا للماما وهي أول مرة بتخليني ماما روح ع العرس ، هي ما كانت بدا ياني روح معن لأنو العرس للكبار بس أنا قلتلها الله يوفقك خليني روح بدي البس الفستان الجديد وارقص مع العروس والعريس الله يوفقك خليني روح بس هالمرة.
وافقت الماما وأنا كنت كتير مبسوطة لأنو رح البس فستاني القصير، هو مو قصير كتير يعني بيوصل لعند الركبة وأنا قاعدة، بس لما وقف بيصير أطول شوي .
كنت بدي حط حمرة متل العروس بس الماما ما خلتني وقالتلي بس تكبري بحطلك حمرة بس هلق ما في، زعلت شوي بس هي راضتني وقالتلي إنو رح تسمحلي حط رباطات الشعر الملونين يلي كانت مخبيتلي ياهن مشان اربط شعراتي .
قبل ما نطلع ضليت اتفرج على حالي كتير بالمراية وكانوا رح يتأخروا بسببي، بس أنا كنت كتير مبسوطة وكتير حاسة إني طالع حلوة بالفستان الأبيض وربطات الشعر الملونين .
وصلنا ع العرس ع الوقت تمام وكانوا الكل مبسوطين ، والعروس طالعة بتجنن وكان فستانا بيشبه فستاني شوي بس مو قصير، وكانت فرحانة وعم ترقص مع العريس ، حاولت قرب منهن لحتى ارقص جنين بس ما قدرت لأنو كتير عجقة ، وأنا كتير قصيرة وكل العالم أطول مني.
بعد شوي صار وقت تقطيع الكاتو وكان القالب أكبر قالب بشوفو بحياتي ... يالله شو حلو وكبير مو متل القالب اللي جابولي ياه بابا وماما بعيد ميلادي هو صحيح كان طيب كتير بس مو كبير قد هادا القالب.
كان في كم واحد عم يقطعوه القالب ويوزعوا ع المعازيم بس أنا محدا انتبهلي لأني صغيرة ، واستحيت قلن يعطوني قطعة لأنو الماما كانت تقلي بس نكون بشي زيارة أو عند العالم عيب نحنا ناخد لحالنا لازم نستنى لحتى هنن يضيفونا، حاولت دور علماما مشان تجبلي قطعة كاتو بس ما شفتا لأنو في عالم كتير ، وفجأة لقيتها وكانت جايبتلي قطعة الكاتو عطتني ياها وقالتلي روحي عدي هونيك وكليها وبس تخلصي ناديلي لحتى آخدك وغسلك اديكي.
عملت متل ما قالت الماما وقعدت ع الكرسي وأنا عم آكل قطعة الكاتو عطشت كتير ، والدنيا شوب كتير ، قلت يا ريتها جابتلي كازوزة مع قطعة الكاتو، وبعد شوي إجا لعندي واحد هو مو صغير يعني قد العمو مازن وقللي انو رح يجبلي كازوزة اذا رحت معو، تذكرت انو الماما قالتلي انو ما آخد شي من حدا ما بعرفو لأنو في كتير ناس مو مناح وبيخطفو الولاد الصغار وبيضحكو عليهن بالشغلات الطيبة ، بس أنا كنت كتير عطشانة وقلت لحالي انو مو معقول هاد العمو يخطفني قدام كل العالم مشان هيك رحت معو.
مشينا أنا والعمو لحتى صرنا بعاد شوي عن العرس وصار المكان عتمة قلتلو عمو انا خايفة وما عاد بدي كازوزة وطلبت منو يرجعني ع العرس بس ما قبل وقلي اسكت بس أنا ما رديت عليه وبلشت ابكي وصرخ قام ضربني، وقلي كلما صرخت رح يضربني أكتر ، خفت كتير وبطلت صياح مشان ما يضربني وصرت ابكي من دون صوت لأنو ما اقدرت ما ابكي.
بعدين وصلنا عمكان كتير بيخوف عتمة وكلو وسخ وكان في تلاتة ناطرينو للعمو ، قلتلهن إنو أنا بدي ارجع ع العرس وقلت بلكي هنن بيساعدوني وبيقولولو يرجعني ، اترجيتهن واحد واحد بس ما حدا منهن رد علي، وكانواعم يضحكو ويطلعوا فيي بطريقة غريبة ما بعرف كيف بدي أوصفها بس كانوا بيخوفوا، بعدين قرب العمو علي وصار بدو يشلحني ، قلتلو إنو الماما قالتلي انو عيب اشلح تيابي قدام حدا بس ما رد علي.
بكيت كتير وطلبت منو وقلتلو مشان الله ياعمو هلق ماما بتخانقني إذا وسخت الفستان الله يخليك لا تشقو ... لا تكبو ع الأرض هلأ يتوسخ بس ما رد عليي.
قلتلن لرفقاتو يقولولو انو يتركني وأنا برجع لحالي ع العرس بس محدا رد عليي... محدا رد علي.......
كنت عم قول لحالي ليش هيك عم يعمل معي هو ورفقاتو بس ما عرفت لأنو وأنا عم اسألهن غبت عن الوعي وما حسيت على شي حواليي، أنا بس بدي أعرف ليش هيك عملوا وقبل ما غيب عن الوعي كنت عم بسألهن بس ما حدا رد علي...............
مشان هيك رح اسألكن انتو بلكي بتعرفوا ليش هيك عملوا معي؟
يمكن لأنو فستاني كان قصير؟؟؟
يمكن لأنو ربطات شعري كانوا كتير حلوين؟
أو يمكن لأي كنت كتير عطشانة وجاي عبالي اشرب كازوزة مع الكاتو؟
الله يخليكن لا تكونوا متلي وجاوبوني .. الله يخليكن حدا يرد علي........
حدا يرد علي.....
حــــدا ..... يـــرد.............. علـــي
الموضوع المتعلق
أربعة شبان يتناوبون على اغتصاب طفلة عمرها 4 سنوات خلال حفل زفاف