مو في وجبات كنتاكي حتى الأشباع هون أضحك حتى الأشباع

[munaf]

آخر حكم الحماصنة "إذا لم تكن ذئباً ......فأنت حيوان آخر"

ليش الحمصي بيطلع من الحمام دايخ ,لأنو بثبت الصابون وبيبرم راسو

قال مرة في واحد حمصي قرر ينتحر فوقف على علبة سردين فقلو رفيقو تعا معي فأخذه إلى ناطحة سحاب وقلو هلق انتحر فقلو الحمصي شو بدك تموّتني

في سبع حماصنة عملوا فرقة سموها الشجعان الثلاثة
واحد حمصي وقع من بناية خمس طوابق لما وصل تجمعت الناس و سألوا خير شو صار قال والله ما بعرف هلأ وصلت

في حمصي سأل واحد بالشارع وين الرصيف التاني قالو مقابيلك فقالو الحمصي سألت هنيك قالولي هون
ليش الحمصي يشرب نصف كأس من الشاي
مشان ما يغسلها كلها
اثنين حماصنة فاتوا على كلية الطب :
واحد طلع محاسب والثاني محامي
دخل حمصي على الصيدلية وسأل إذا كان في حمصبو قال صاحب الصيدلية شو هادا حمصبو روح عن وجهنا إجا اليوم التاني وكمان سأله نفس الشي وقلعه في اليوم التالت هادا الحمصي عصب ودخل على الصيدلية وقال بعصبية بدي حمصبو فقال له صاحب الصيدلية دخيل الله شو هادا حمصبو فقال له حمصبو بالشامي شامبو(شام+بو)وبالحمصي يا ذكي حمصبو(حمص+بو)
ليش الحماصنة بيكتبوا على نمرة سياراتهم وثبة أو كرامة ؟؟؟ قال لأنو بيكتبوا بالشام : جيش أو شرطة ؟؟
قام الحماصنة بتطوير الكمبيوتر فركبوا سحاب بدل الكيبورد
مرة الحموية حبوا يقلدوا الحماصنة بجنانهم قاموا بنوا سد بالصحراء تاني يوم لقوا الحماصنة عمبيصيدوا سمك فيه
واحد حمصي ضاعت محفظته.. راح يبلغ الشرطة .. قالوا له: ولا يهمك .. روح البيت واحنا بنطلع المحفظة من تحت الأرض ... وهو رايح شاف بالشارع عمال البلدية يحفرون .. قال لهم: شدو حيلكم ياشباب . ترى المحفظة لونها بنـــــي
واحد حمصي بعت ابنو الفهمان على كيلو حلاوة بالجبنة
قام جاب نص كيلو حلاوة ونص كيلو جبنة
في حلبي و حمصي مسافرين بالطيارة و الحلبي قاعد من طرف الشباك استأذن الحلبي الحمصي مشان يبعدلو مشان يروح إلى الحمام بعدلو الحمصي و لما كان الحلبي بالحمام وصل طعام الرحلة شو بيعمل الحمصي بياكل أكلو
و أكل الحلبي و لما بيرجع الحلبي و بيسأل الحمصي ليش أكلت أكلي بيجاوبوا الحمصي و بكل ثقة فكرتك نزلت
قال الحمصي كيف بيبحث عن الأرنب؟؟؟ ج: بيقلد صوت الجزرة!!!
ليش الحمصي بيحط الصوبيا برة؟ - لأنو برة أبرد من جوة
شوفي فرق بين تلميذ حمصي ذكي وتلميذ حمصي غبي؟ تلميذ حمصي غبي بيكتب ورا المعلمة وبمحي بس بتمحي تلميذ حمصي ذكي ما بيكتب لأنو بيعرف انو المعلمة رح تمحي
ليش باصات الحماصنة كلها بالعرض ؟؟؟ لأنهم كلهم بيحبوا يقعدوا أول صف
في واحد حمصي أبو وأمو حلبية وساكن بالشام

واحد مستشرق راح على حمص رجع مستغرب..
حمصي ماشي بالشارع، قام شاف سيارة عليها لوحة مكتوب عليها: " احذر الدهان "... قام وقف و صفن شوي و فكر، وقال : آآآه...أزرق

اتنين حماصنة عبقلدوا سيارة إسعاف واحد مد راسه من شباك السيارة اليمين وصار يقول ويوو ويوو ويوو والتاني مد راسه وصار يقول أزرق أحمر أزرق أحمر أزرق أحمر

ليش الحماصنة عم يحطوا قبعات على راسن لأنو سمعوا أنو الشيشان عم يضربوا الروس

في وفد حمصي راح للحج قام راح شيخهن قلهم يا شباب كل ما أسرعتوا بالحج كل ما لحقنا العيد بحمص أبكر

واحد حمصي فقير كتير راح على الجامع و بعد صلاة الجمعة قالوا للشيخ : شيخنا بدي أسأل سؤال
الشيخ : اسأل يا ابني
قالوا إنوالجامع مو للكل
الشيخ : طبعا يا ابني
قالوا شيخنا أنا بدي بيع حصتي إذا هيك

شو بيصير إذا طلع الحمصي على القمر ؟؟؟؟
بينقص واحد من حمص .....
طيب ! شو بيصير إذا طلع الحموي على القمر ؟؟؟
طبعاً بيلاقي الحمصي فوق ....
طيب كمان شو بيصير إذا طلع الشامي على القمر ؟؟؟؟
بيلاقين رااااجعين ...

في حمصي إجا ولد قام ذبحو
سألوا ليش :قال عصفور بالجنة ولا حمار ع الأرض

في مزة واحد حمصي اشترى لابنه آلة حاسبة و شال الصفر منشان ما يتصل دولي

شو الشئ المشترك بين الديناصور والحماصنة الأذكياء؟
الاثنين انقرضوا

في مرة حماصنة سمعو إنو جاي عاصفة عاحمص فاكتبو على مدخل حمص \درعا ترحب بكم
ليش الحمصي بصير زكي برات حمص ؟؟؟؟؟؟......لأنو بطلع خارج نطاق التغطية...

مرة الحماصنة جمعوا تبرعات من بعضهم و اشتروا قنبلة نووية ليضربوا حماة قام الطيار الحمصي طار وضرب القنبلة بنص حمص قاموا سألوه بعدين ليش ضربت القنبلة بحمص قالهم:شو إحنا دافعين دم قلبنا عالقنبلة لنضربها بحماة

اثنين حماصنة كانوا عم يلعبوا شطرنج ، وقد ما طولت المبارات معهم مات الملك بجلطة

كان في واحد حمصي وضع يده في برميل من حمض الكبريت فعندما سحبها لم يجدها فأدخل رأسه حتى يدور عليها!!!!

ليش الحمصي بيلبس جرابات خضر ؟
لأنو خضر بيلبسلو جراباتو
قال بدن يعملو مستشفى مجانين بحمص آمو سقفوا حمص

مرة كان في واحد حمصي مسافر بالقطار وقعد جنبو واحد,فقال اللي جنب الحمصي : أنا بردان من الشباك, فقاللو الحمصي : تشرفنا وأنا حمدان من حمص

ليش الحمصي الصغير أذكى من الحمصي الكبير
لأنو مالو زمان حمصي
حمصي طلعلو مارد قالو طلوب شو بدك
الحمصي قالو بدي جسر من هون لأمريكا
المارد طلوب طلب يفيدك
الحمصي بدي جسر من هون لأمريكا وبدون أعمدة
المارد لك طلوب طلب تستفيد منو
الحمصي بدي صير أذكى شخص بالعالم
المارد أديش بدك عرض الجسر

مرة حمصي راح ع الحج ولما رجع سألوه كيف كانت الحجة السنة؟ حكى كنا مرتاحين والأكل كان ممتاز والسكن للحجيج بغاية الروعة ..... وبالأخير سألوه شو كلمتك الأخيرة في نهاية اللقاء؟ جاوب الحمصي: بنصح يلي بدو يروح يحج يروح على السعودية يحج هنيك

قال مرة قرروا أهل حمص أنو يحطوا حواجز تفتيش حوالي حمص قام مرة أجت سيارة رينو خمسة و بداخلها أربع أشخاص أجا المفتش الحمصي و سأل الشوفير شو معك قالو الشوفير رينو خمسة قالو المفتش الحمصي أنتو أربعة؟ ألو الشفير روح نادي لمعلمك لفهمو قام ألو اتركوا بهمه معلمي وقف شبح 600 وما لقى غير راكب واحد بس

واحد حمصي اشترك بمسابقة المليون فسأله جورج قرداحي من أين أنت فأجاب من حمص فقال له شي بهوي فأجاب مروحة

كان في واحد حمصي شاف دورة مياه قام سجل فيها

واحد حمصي شاف رفيقه و أذنيه الاثنتين محروقات قال له اشبن أذنيك قال الثاني مبارحة كنت عبكوي قميصي قام إجاني تليفون خربطت بين السماعة و بين المكواة قال الأول هاي الأذن الأولى و التانية ليش؟
قال الأول:
شو بعمل إذا خبر مرة ثانيــــة
مرة في واحد حمصي سافر لحلب فشاف واحد حلبي محمل خيار على الحمار و عمبيصرخ تعو ودعوا وما طول دقيقتين حتى كان بايع كل الخيار فقام الحمصي سافر لحمص و عمل نفس الشي بس لما صار يصرخ تعوا ودعوا إجوا الحماصنة صاروا يبوسو الحمار
قال في واحد حمصي سأل أبو قالو: بابا أيمت بدنا نوصل على أميركا ألو بابا خراس وسباح

في واحد حمصي أول مره بحياتوا بياكل علكه قام حلف يمين ما ينام الليل إلا لما يخلصها
وحدة حمصية قالها أبوها إجاكي أخ صغير قالتو: بذمتك ؟ لا تقول لأمي خليها مفاجئة
حمصي راح يترشح لرئاسة الجمهورية دخل على ضابط بوزارة الداخلية. فقال له الضابط: أنت مجنون شي؟ فأجاب الحمصي :هو شرط يعني؟

س: شلون الحمصي بيشحن موبايلو؟ ج: بالقدموس للشحن
في حمصيين بمقابلة عالتلفزيون سألت المذيعة الأول : سوريا بالنسبة ألك شو؟ جاوبها سوريا أمي. سألت التاني سوريا بالنسبة ألك شو؟
قال ما بقدر أحكي على أم رفيقي

حمصي وقع ع الدرج عطوه مرهم قالوله ادهن مكان الإصابة راح دهن الدرج
حمصي تاجر مخدرات نزل إعلان بالجريدة عنا..طحين من اللي بالي بالك....

كان في حمصي و هو ماشي إنشقت شحاطه قام راح خيطه عند الكندرجي بعد أسبوع شافها تحسنت قام فك التخيطة

حمصي ضيع حماره رجع لبيته زعلان قالتلو مرته لا تزعل دخلتك علي تسوى عشرين حمار

حمصي و مرته تبنوا ولد من الهند و بلشو يتعلمو هندي بشان وقت يكبر الولد يفهمو عليه


مرة كان في مسلم ومسيحي ويهودي وحمصي بمركب بنص البحر، غرق المركب فصار كل واحد منهم بدو يسبح لأقرب يابسة وصار كل واحد قبل ما يشك يدعي ويشك، إجى المسلم قال محمد ولينا وشك، إجى المسيحي قال عيسى ولينا وشك، إجى اليهودي قال موسى ولينا وشك، إجى الحمصي قال عدنان و لينا وشك

في مرة واحد حمصي رشح حالو على الانتخابات
قام كتب تحت صورتو
(وعسى ان تكرهوا شيئا وهو خير لكم).

في واحد حمصي تصور بجانب **** وبعتها الي اهلو وقال لهم انا يلي علي اليمين

رقاصة وقعت بحضن شيخ قالت له ادعيلي قال لها الله لا يقيمك

تخيلوا الدنيا بلا حريم
الأسواق فاضية
الفلوس زايدة
الشوارع هادية
حب الضغط مالو لزوم
الشيطان مالو شغل
معظم الرجال بدخلوا الجنة

بعد تأسيس حركة كفاية في مصر وخروج حركة كفى في اليمن يتوقع نهوض حركة حاجي عاد في حمص