ألف مبروك وأحلى شباب خببية

[Father Fadi]

أحبائي وأخوتي في خبب تحية وسلام بالرب يسوع

أنا من زمان كنت متشوق يكون في لخبب موقع على الانترنت وكنت عم بتساءل ليش خبب اللي هيي كانت سباقة في مجال العلم والثقافة بعد ما دخلت بهالثورة العالمية ( ثورة الانترنت)؟ اللي هيي اليوم أوسع شبكة للتواصل بين الناس.
قديش نحنا بحاجة لحتى نتواصل مع بعض ونعرف هموم بعضنا البعض وندور على حلول لمشاكل مجتمعاتنا
ونغني بعضنا البعض وكل واحد يقدم افضل ما عندو لخير خبب وأهل خبب وشباب خبب.

أنا صرلي بعيد عن خبب أكتر من 15 سنة وما عم أعرف أي أخبار عن أهلي وأحبائي وأصدقائي لدرجة إني بلشت انسى كتير اشخاص ووجوه من قريتي.

بتوجه بالشكر للشباب اللي عم يشتغلوا لحتى يصير موقع خبب من أجمل المواقع على الانترنت ويكون نبع للثقافة والمحبة والايمان ومكان للقاء والتواصل بين أبناء خبب وين ما كانو في أي مكان بالعالم

وبشكر أخي الحبيب سامي اللي بعتلي ايميل عن الموقع

يالله يا شباب شدو الهمة والله يقويكون

بتمنى انو تشوفو بقية المواقع لقرى ومدن سوريه لحتى ناخد من خبرتهم ونغنى موقع خبب ومنتديات هالموقع وعلى سبيل المثال في مواقع بصافيتا مطرح ما عم أخدم ككاهن كتير حلوين :www.safita.cc - www.safita1.com

وكمان موقع مرمريتا وغيرها من المواقع

الله يبارككم
الأب فادي الميماس

[shadi al khalil]

QUOTE أحبائي وأخوتي في خبب تحية وسلام بالرب يسوع

تساءلت كثير و انا عم اقرا كلماتك مين هالشخص الممتلئ نعمة و محبة حتى يفتتح مقالتو بالتحية المسيحية بالصميم, حتى وصلت للاخر واذا ابونا فادي ميماس.
بصراحة مفاجاة كبيرة ابونا, خلتني ابتدي اول كلامي عموقعنا بالتعبير عن فرحتي بوجودك معنا, و حين كنت محتارا بماذا افتتح مداخلاتي بهذا الموقع او هذا الصرح الذي انشاء الله يكون اساسه المحبة, وممكن ابونا ان نشتغل بكل حب و ايمان حتى يظهر هذا الموقع ككنيسة على الانترنت وهذا يعتمد طبعا على مقدار الحب الساكن فينا....
ابونا انت رفعت من معنوياتنا كثير
ابونا كان بصراحة منتابني نوع من الخوف على مستقبل الموقع
ابونا و بصراحة ثانية نحنا هلّئ اكثر اندفاعا و تفاؤلا بوجود دعم روحي احنا محتاجينو
بتمنا ابونا انك تباركلنا هالموقع حتى يكون مستقبلا لشباب خبب او اي شبيبة اخرى تستقي منه ثقافاتها المتنوعة
شكرا ابونا

[william]

ابو فادي ميماس المحترم:
الله يخليك ومايحرمنا من زوقك وكلماتك يلي مثل البلسم الشافي للجروح, نورت المنتدى وانا شخصيا جدا سعيد لاعادة جسر الوصل بيننا والذي لبعد المسافة -لن اقول انقطع- بل تباعدنا.
ابتي الحبيب انا من الاشخاص المعجبين بك وبعملك الرعوي فارجو منك مساعدتنا في هذا المنتدى لمد يد المساعدة لأخوتنا اللذين يعملون في التربية والتنشئة المسيحية ولأخوتنا اعضاء فرقة المراسم بما يفيدهم وينور بصيرتهم ويوفقهم لحمل الامانة الكبيرة في اعناقهم.
مرة اخرى شكرا جزيلا لانضمامك لعائلة خبب الالكترونية-اسمحلي بتسميتها ذلك-وشكرا على كلماتك الطيبة التي تبعث النشاط والحيوية في قلوبنا لتقديم الافضل ساعدنا الله.

[Sami Krait]

بركاتك ابونا..
ابونا فادي شكرا..للتعليق الجميل واكيد هذادعم مشكور للشباب المشرفين على هالموقع وانشالله رح يعمر هالمنتدى بالشباب الطيبة ...شكرا...

[Father Fadi]

أحبائي أنا كمان فرحتي كبيرة انو كون معكون وصديق لهالموقع

بشكر شادي و وليام وسامي على كلماتون الحلوة

الله يبارككم ويبارك هالموقع

وأنا مستعد لأي خدمة وانشالله بقدر كمان اشترك على قدر الوقت والامكانيات لحتى نغني بعض


أنتم فرحي بالرب

[wafi]

marhaba ya shabab

[abo 7asan]

الله محيي الشباب
شكرا ابونا المحترم والله نورت خيو

[King Diamond]

شكرا ابونا المحترم والله نورت و لله يحميك

[AboJado]

اهلين ابونا فادي