المساعد الشخصي الرقمي

مشاهدة النسخة كاملة : لبسوا الكفافي ومشوا .....طلال حيدر

جميل النوح
04-20-2009, 07:05 PM
أول مرة شفتو
....كان حامل سيف الشعر .
..وطالع على المنبر ....
يحكي سوالف عشق
.... عن بنت وصبي أسمر .
يحكي وحكيو غزل
ومسك مع عنبر ...
يا ربي يبقى هون .
لآخر رمق بالكون
وسمعتو عم يغني
( المقدمة مني والباقي شعر منو )
×××××××××××××××××
.لبسو الكفافي ومشوا
وما عرفت مينن هن..
ماعاد رح يرجعوا
ياقلب حاج تعن
لاحصان جايب حدا
ولا سرج عم بيرن
لك ضحاك سنك دهب
خليه يبان السن
خليك متل القصب
كل ما عتق بيحن
يابن اسمك حلو
سميت حالي بن
رد العباية القصب
ع الكتف محبوبي
والعين قوس القدح
وسيوف مسحوبة
راحو
لبسوا العتم !
قامات مهيوبة
ناديت بالله رجعوا
ماتلتفتو صوبي
..طلال حيدر( إن لم يكذب ظني هذه القصيدة قيلت لبطلين من المقاومة ذهبا الى الجهاد وكعادة المقاومين يعودون مع الريح في الزمن الآتي .....)
Bassel
04-20-2009, 07:21 PM
رائعة جدا هذه القصيدة وخاصة اذا سمعتها بصوت اميمة الخليل من الحان مارسيل خليفة
وايضا مارسيل غنى من ابداع طلال حيدر عندما يقول:
بغيبتك نزل الشتي .....قومي اطلعي عالبال
في فوق سجادة صلاة والل عم بيصلو قلال....
SUHAIB
04-20-2009, 09:14 PM
فعلا شي مكتوب بقلم ثمين

منك ومن طلال الف شكر
zaidoon al hatem
04-20-2009, 09:19 PM
بعتقد و إذا كانت معلوماتي أكيدة ...........أنشالله .أغنية فيروز لطلال حيدر " وحدون بيبقو مثل زهر البيلسان"
من الأغاني , الكلمات , ألحان ......... و أكيد تأثير قوي
الساهر
04-20-2009, 11:16 PM
لبسوا الغباني ومشوا......واعرفت مينن هن
مع جميل رح يرجعوا........ كبار الشعر والفن
عظيم يا ابو الفرد...وسأختصر كل العبارات واقول لك::::::شكراً
جميل النوح
04-21-2009, 07:12 PM
شكرا للشباب على المرور الحلو وانا اشكركم جدا من كل قلبي .
wissamkhalil
04-21-2009, 09:15 PM
الله يقويك عمي جميل وتعطيني
fadi al hatem
04-22-2009, 11:15 AM
الف شكر عم جميل على الكلمات الرائعة
ghaith mardini
04-24-2009, 09:06 PM
.... عن بنت وصبي أسمر .
يحكي وحكيو غزل
هم هذول تبع المسلسل التركي عم جميل
شكرا على القصيدة الراثعة
adham
04-27-2009, 10:30 AM
روعة أخ جميل،، مشكور على المجهود


الحبيب باسل:

رائعة جدا هذه القصيدة وخاصة اذا سمعتها بصوت اميمة الخليل من الحان مارسيل خليفة
وايضا مارسيل غنى من ابداع طلال حيدر عندما يقول:
بغيبتك نزل الشتي .....قومي اطلعي عالبال
في فوق سجادة صلاة والل عم بيصلو قلال....

إذا في إمكانية تحطنا الأغنية تبع أميمة الخليل او تعطينا الرابط بنكون ممنوين،،،


تحياتي القلبية,،،


...
..
.
Bassel
04-27-2009, 11:19 AM
تكرم ادهم هاد الرابط
http://www.mazika.in/singer662-song26236
عصام بديوي
06-09-2009, 09:52 AM
الله يعطيك العافية يا ابو فريد
كمان ( Bassel ) الله يعطيك العافية
الرب يبارك حياتكم
الجارح
06-12-2009, 04:21 PM
دائما متميز..[