المساعد الشخصي الرقمي

مشاهدة النسخة كاملة : شو رايكم بالابراج؟؟؟

ELIYA ALGHAYOR
03-11-2009, 07:32 PM
مرحبا جميعا
بداية رح اعزمكن على فنجان قهوة وهي قهوة اهلا وسهلا طبعا مش قهوة مع السلامة
لاني حابب ناخذ وقتنا بالنقاش عن موضوع الابراج ماذا تعني لك؟ وهل تصدقها ؟ام هل انت معارض لها بكل اشكالها؟
وبترك الكم المجال للحديث**od يعني موحلوة عازمكن وقايم اوعظ عليكم
بقى هاتو تنشوف شو هي ارائكم ؟وبالتالي مقترحاتكم حول هيك موضوع وآثارواعلينا كمسيحيين ؟

الدلة صارت على النار
أبو ذيب
03-11-2009, 07:48 PM
جيت كرمال القهوة خصوصآ انو في وجع راس اخي ايليا جميع العالم يحب ان يرى مستقبله وفكرة الابراج كفكرة موجودة من الازل هناك فرق بين تصديقها وقرأتها ودايمة على القهوة
وائل الخليل
03-12-2009, 08:36 AM
الحمدالله
انا ما بآمن بهالخزعبلات
بس بتسلي من ناحية مزح وضحك
بس ما توصل متل كارمن وماغي وميشيل الحايك لدرجة استغباء الشعب
ع فكرة انا ما بشرب قهوة، عندك شاي؟!
copen
03-12-2009, 12:52 PM
للصدق انا من المعجبين بماغي فرح وكل سنة بشتري شي 3 كتب الها خيي انا بحب قصص الابراج والفلك والمفلكين
ELIYA ALGHAYOR
03-12-2009, 02:30 PM
انا جدا سعيد بزيارتكم وابداء رأيكم يلي بيهمني كثير وبانتظار باقي الاخوة ولا ماحدا بيحب القهوة كمان kjkji**

تكرم عيونك ابو اللول (اذا هيك بدلعوك ) واحلى ترمس شاي وسيلاني كمان

على فكرة ريس ابو ذيب القهوة تركية اصلي ليكا المحمصة حدنا هههههه
رورو
03-12-2009, 10:43 PM
مرحبا اخ ايليا بدي اشكرك بداية على اخلاقك الحلوة اللي باينة من حديثك.انا ما بامن بالابراج وما بصدق ماغي او كارمن بس انا بؤمن انو قدرة الرب عظيمة ومالا حدود, يعني ممكن صدق انو مايك فغالي عندو موهبة من الله انو يقدر يشوف احداث رح تصير, وبظن انو الله الو حكمة بهدا الشي. بس الغلط اللي بيصير انو نحنا منعظم الانسان ومننسى الخالق.وشكرا بس ما بشرب قهوة.بحب المي.
الساهر
03-12-2009, 11:59 PM
قهوة مشروبة ومشكوور على تعبك بتحضيرها...((مع انو انت لازم تعزم ع متي مو قهوة هههه))

انا بعتقد انو اللي بآمنوا بالابراج بيكونو عايشين حياة يمكن غالب عليها حزن او تعاسة او تشاؤم...يعني بتكون الابراج لألن

متل العزاء لحتى يتفاءلوا ببكرة أكتر... ويمكن يكونو اغلبون بمجتمعاتنا الشرقية...

بس بتصور انو الشخص العملي والواثق من حالو ما رح يستنى برجو شو رح يقول لحتى هو يقرر شو لازم يعمل بحياتو..

اكيد ما لازم نخلي الابراج ترسملنا قدرنا ازا نحنا مو قادرين نرسم خطوات حياتنا بإيدينا..

أكيد انا ما رح انفي والغي مايسمى بعلم الفلك لأنو في كتير ناس عم تشتغل بهالمجال..بس مابحب يزيد تعلقنا بالابراج

عن حدو...وخاصة انو صار موضوع التبصير والتنجيم والابراج وما يتعلق بها وسيلة استغلال وابتزاز..واستخفاف

بالعقول....

دايمة عالقهوة ومشكوور عالموضوع...يمكن كون حكيت كتيير بس لسا عندي حكي مابدي طول عليك..

وهلا عيوني
adham
03-13-2009, 06:23 AM
مشكور على الموضوع،، واني عم بشرب قهوة بهاللحظة، ومشكور على العزيمة...


طبعاً اني بآمن بالإنسان، الإنسان هو نفسه يصنع حظه بيده، ولايوجد شيء متوقع او محتمل (ماعدا الأحداث الطبيعية) بس الإنسان لازم يصنع حظو ومستقبلو بأيدو، مش بالأبراج وبغيرهم وغيراتهم......


تحياتي القلبية...
ELIYA ALGHAYOR
03-13-2009, 10:03 AM
جميع العالم يحب ان يرى مستقبله وفكرة الابراج كفكرة موجودة من الازل هناك فرق بين تصديقها وقرأتها
العالم فارغ يريد ان يملء هذا الفراغ بخزعبلات وهو لا يعلم ماذا يفعل .
ورد في سفر التثنية (18 : 10 )
" ليس فيك من يجيز ابنه أو ابنته في النار ولا من يعرف عرافة ولا عائف ولا متفائل ولا ساحر ولا من يرقى رقية ولا من يسأل جاناً أو تابعةولا من يستشير الموتى لأن كل من يفعل ذلك مكروه عند الرب ..."
وفي سفر الرؤيا مكتوب في (21 : 8)
"اما الخائفون و غير المؤمنين و الرجسون و القاتلون و الزناة و السحرة و عبدة الاوثان و جميع الكذبة فنصيبهم في البحيرة المتقدة بنار و كبريت "

معرفة المستقبل اخي الحبيب هذا بيد الله وحده واي ادعاء بهذه المعرفة هو تمرد على الله .والشيطان طبعا الرابح الأكبر و هذا مبتغاه ان يجر اليه حتى المختارين منا..
هل تقبل انت ان يتحكم بك وبحياتك نجم او برج اوشخص ؟
انا (الخاطئ)من ناحيتي ولا كل الاجرام السماوية ولا كل الارضيات وما عليها ولا كل البشر.. اسمح لهم ان يتحكموا بي وبحياتي او ان يتنبؤوا بمستقبلي ..لأن حياتي كلها وانا بقلبي وفكري مَلِكُها وسيدها هو الرب يسوع المسيح تمجد اسمه وكلي ثقة بهذا الملك العظيم القادر على كل شي وان اعمل مشيئته هذا كل مشتهاي .
هل ترضى ان تزيح عناية الله بك وتضعها بيد القدر الأعمى حسب تاريخ ميلادك او اسمك او ماشابه.. اليس هذا ان عنى شيئا يكون انك اصبحت عبداً للنجوم وللعرافين.. ولست بعد حرا بل مقيد بهذه الشعوذة وما هو مغزى حياتك ومستقبلك ان لم تكن حرا .

عن وجوده منذ القديم :(وليس الازل فالله وحده هو هو منذ الازل والى الابد)
المجوس مثلا الساجدين للكواكب صحبهم نجم من السماء ليسجدوا للاله الحقيقي(كوكب الصبح المنير) ويتعلموا من نجومهم السجود له وحده

ارجوا ان تتقبلوا كلماتي فان خالفت البعض بآرائهم فهذا لآني اطلب واريد ان يكون كل تصرف لمن احبه وادعوه اخي ان يكون بلباقة وبحسب ترتيب الرب .