المساعد الشخصي الرقمي

مشاهدة النسخة كاملة : قصيدة غزل

الساهر
02-15-2009, 06:33 PM
قصيدة غزل شامية

بحبك حب الشباك للبرداية ، بحبك حب الأرنبيط للكوساية ...!
بحبك حب الشلمونة للكولاية .. بحبك حب الطشت للكبجاية..!
بحبك حب الزيت للمئلاية .. بحبك حب الجرابات للصرماية
لك بحبك حب سلاحف النينجا للبيتزاية ...!!!
يا ريتتكوني شخبتة .. وكون أنا المحاية...
يا ريت تكوني قلم .. وكون أنا البراية...
بحب ضحكتك يللي متل صوت المعزاية ....
بحبك حب الدؤونية لللهاية...
بحبك حب المألمة للشنتاية ....
يا ريت تكوني حبة العوجا وكون أنا العرباية..
يا ريت تكوني طربيزة… وكون أنا كنباية ....
يا أحلى زبدية محلاية...
بحبك حب الريموت للتلفزيون... بحبك حب درفة الباب للمندلون..
بحبك حب بنت اختي الفصعونة لسبيس تون...
حاجة بأه جننتينا!!!!!
NIDAL KHLAFF
09-20-2009, 06:00 PM
إيه شو هاد يا عم
والله شي بحط الأعل بالكف
على راسي حارتك يا أبو سهرة.....
حبيبنا
فادي الناقولا
09-20-2009, 06:47 PM
وانا بحبك ياساهر أد ما بتحب الكنة الحماية
الساهر
09-23-2009, 11:43 AM
احلى دكاترة المنتدى والله
Bassel
09-23-2009, 06:44 PM
هالقصيدة خرطت مشطي والمعلم الساهر عقيد الموقع وانا كلمتي ما بتصير اثنين
جهاد زيات
09-28-2009, 12:12 AM
حلوة يا معلم
وهي وحدة مثلها عن جيراننا أهل الجبل
حب عـــطريقة أهلنا في السويداء

حبك بيرفش بقلبي رفش .....
من كثر حبك.....أبتحممش.....
بتصدقي لو جابولي .. ثور .. لو ..جابولي .. كبش...
بالك عن حبك ... بتزحزح ..... أبتزحزحش.....
ولو .. طلع .. عني الونش ... وزغرت ... وصرت كد الانش ... وحطوني ....بالنعش....
ولو اكبرت .... وصرت ... كد الوحش....
بالك عن حبك ... بتزحزح ....أبتزحزحش.....
طلت علي ...بالمجرود....
ومن كتر الضرب ... صار جسمي زي البارود....
وبعصاه القشاطه .... ومن الضرب ... صار جسمي زي المشاطه..
بالك ليش أنا طافش... وليش أنا بدافش...
كلو لأجل حبك .. ولأجل أني أظل عايش...
بس عن حبك .... بتزحزح ....ابتزحزحش......
زغزغيني ... أضربيني ... الحقيني.... بنتعش مثل ديك الحبش..
بنتفش نفش....
دهنت الحيط دهان املشن ... وطرشته طرش....
بس عن دهان الزيت ... بقدرش
فكرك عن حبك بتزحزح .... أبتزحزحش....
لو طلعتي على الحيط .... وربطيني بخيط وناديتيلي أبطقرفطش....
تذكري يوم ما طلبتك من أبوكي.....
لحقني بحكي .... اكبر من الدبش.....
صحيح أبيش في جيبتي ولا قرش....
بس بقولو عني زلمه ... أبطاوشش...
بس والله عن حبك ... أبتزحزحش...
.
.
.
.الله محبة
يسوع معنا
الساهر
09-28-2009, 12:18 AM
هههههههههههههههههههههههههههههههههههههههههههههههههه ههه

قوية هاي عمي جهاد... منيح بكرة ما بتكتبلنا وحدة عن اهل خبب كمان

والله انا بفديك بالعين والرمش

وحبي الك ما بيتغير ولا بيتبدلش

وهلا عيوني
جهاد زيات
09-28-2009, 12:38 AM
عم أفرك براسي تــــــــ صار شعري ..... منكوش نكش
و أقدر خيـــــي أحكي عن خبب مش واردة .... أبقدرش
بيقولولي قاعد بحضننا وتنتتف بدقنا و لك مش كافي عندك كرش
بس مننطر يمكن نلاقيلنا شي معقول
قولك؟؟ بس المشرف اللي في بالي............ أبيزعلش؟
.
.
.
مشكور يامن على مرورك الطيب و على رسم البسمة على شفاهنا
.
.
.الله محبة
يسوع معنا