خلونا نتعرف لو سمحتو!!!!!

[william]

سلام المسيح لكم:

بداية الشكر الجزيل للجميع على المشاركات الروعة والحماسية من امريكا لبير الساحة الشباب متوزعين والكل ماشالله عليهم بشاركو وبقوة.
اخوتي الاعضاء والمشرفين انا الموضوع يلي رح تقرو فكرة طلعت براسي وشجعني اصرار الاعضاء
اليوم بتمنا من كل عضو يكتب تعريف عن حالو ورح بلش انا:

الاسم: وئام الحمود الملقب ابو حنا
العمر 28 سنة مثل ماهو باين تحت الصورة
الاقامة: بام الدنيا مصر القاهرة.
العمل:IT Manager لايصير ملاحظة.
الوضع العائلي اعزب ويقدر الحياة الزوجية :D.

ناطرين مشاركتكم ورجاء خاص للجميع خلينا نتعرف


تم تثبيت الموضوع والمطلوب من كل الاعضاء المشاركة

[william]

حبيبنا ابو خبب مشكور على التثبيت بس كان بودي لو تشاركنا

[أبو ذيب]

الاسم :أغيد الذيب
الاقامة: usa/florida
الوضع العائلي:اعزب
العمر:27

[King Diamond]

name:King Diamond
old:17 years
setting up :my room
and im singel don,t by surprisd:eek::eek::eek:

[abo 7asan]

الاسم: a.z
الاقامة :خبب
الوضع العائلي :أعزب
العمر :22 العمر كل
تشرفنا يا سيدي
بس كتير عرفت عن حالك هيك

[abo 7asan]

ويليم يا ابو الافكار الحلوة
انا حسام الميماس
عرفتني ؟؟؟؟؟؟؟؟

[Father Fadi]

مرحبا أنا الأب فادي الميماس من خبب كاهن مرسل في جمعية المرسلين البولسيين الرهبانية
العمر : 35 سنة
الاقامة : حاليًا في مدينة صافيتا في دير القديس بولس، مرسل بولسي و كاهن رعيتي صافيتا و طرطوس للروم الكاثوليك.
العنوان في خبب : الحارة الشرقية شرق كاتدرائية سيدة الانتقال
هاتف : 0944536073
E-mail : f_mimass@hotmail.com

الطول: 170 سم
العلامة المميزة : تام
الوزن : 75 كغ

المواهب والهوايات : (صوت حلو ) أحب الغناء والترتيل والموسيقى على أنواعها.
أحب المطالعة والانترنت و التكنولوجيا و الكومبيوتر والطبخ و صنع الحلويات.
أهوى اللغات الأجنبية و بخاصة الفرنسية والانكليزية.
أحب العمل الرسولي وخاصة مع الشبيبة و أخويات العائلات.

و بدك اكتر من هيك معلومات !!!!!!!!!!!!!!!!!!!!!!!!!!!!!!!!!!!!!!!

[King Diamond]

اهلا بالكينغ

[william]

يا الربع مش معقول اكثر من خمسين مشاهدة وبس ثلاث عرفو عن نفسهم بشكل صح
شكر كبير للأبونا فادي وللحبيب حسام واكيد للادمن الغالي اغيد

[King Diamond]

الأسم : عمر فرنسيس:eek:
العمر : 17 سنة
الإقامة : سورية \ خبب \ غرفتي
اللغات : عربي \ إنكليزي \ روسي
الهواية : الإستماع إلى الموسيقى
الحياة الزوجية : أعزب و لا تستغربو:D
الطول : 178 سم
الوزن : 61 كغ

و أحلى شباب بالمنتدى و أني أسف إذا سببت أي إزعاج :eek:

[william]

الأسم : عمر فرنسيس:eek:
العمر : 17 سنة
الإقامة : سورية \ خبب \ غرفتي
اللغات : عربي \ إنكليزي \ روسي
الهواية : الإستماع إلى الموسيقى
الحياة الزوجية : أعزب و لا تستغربو:D
الطول : 178 سم
الوزن : 61 كغ



لك شو عمر زايد وزنك
لك ميت اهلا وسهلا نورت
مشتاقلك قد مابتقول قول اكثر

[vandam]

الاسم :ايهم زراعنة
العمر :22
الاقامة:خبب .
الطول :187
الوزن:بدها كيلو فوق المية

[yaman al rizk]

الاسم يمان الرزق
المهنة طالب تجارة سنة4 -مصارف
من الافكار الحلوة: ان تصل متاخراً احسن ما توصل بالمرة
القامة :الحارة التحتة-(النيبر هود) تبع وئام
الهوايات : مافي شي مثير للملاحظة غير التمشاية آخر اليل (التضبع)
السلامات :منبعد السلام للاهل في خبب العامرة لــــــــــــــــ وئام -طارق tbz _ بشار س

[yaman al rizk]

تابع يمان ( باعتبار بيست سلر):
الطول 185البركة
الوزن :شي ربعهن
ميرتال ستيت : سنجل
الهوايات عن جديد :الانترنت -الاكسترانت -الانترانت وكل شي بخص النت

[abo 7asan]

وئام احكيلك كلمة
يعني الواحد لو عم يتعرف عناس من بصير كان قدر يعرف وين العالم تعرف عن حالها مزبوط !!!!!!!!!!!!!
شو رايك ويلي

[ziad.kh]

الاسم :زياد نظمي الخلاف
عريس 22-8-2008 و الجميع مدعوا
بيكفي ماهيك

[abo 7asan]

اشهر من نار على علم يا ابو الزوز
غني عن التعريف ويجعل التمام عخير زوزو بيك

[vandam]

الاسم: ايهم الزراعنة :mad:
العمر:22 :o

الاقامة :خبب
هيش مليح :p

[أبو ذيب]

احلى شباب خبيبة منورين جميعآ والف الف الف مبروك لابو الزوز

[Zaidoun EL Chaddad]

Hello Guys
!!!! I think you do know me

[IHAB OKA]

شو فاندام لاتكون صدقة انك مشهور

[jool]

Joule moneer aldeeb
Personal Information

Date of Birth : 30th august 1980
Place of Birth : Syria
Nationality : Syrian
Gender : male
Marital status : Single
Military Service : Done

Education


1999-2004 Damascus University Damascus – Syria
Bachelor degree in Electrical Engineering

1998-1999 khabab public School Damascus – Syria Secondary High School Certificate
(90%)

[adham]

الاسم: ادهم العكة.

الإقامة: الإمارات - أبوظبي.

العمر: 24 سنة.

الوضع الحالي: أعزب عايف حالـــــــي.

تحياتي للجميع.....

[yanoo_sh]

الاسم : حيان
العمر : 26

الوضع العائلي : اعزب ولغاية 1 10 2008 ولا تسألني اكثر
العمل : مدرس
وبتمنا الكل يعرفو عن نفسهم.
نورتو المنتدى بمشاركاتكم

[adham]

كبير ياحيان... بس والله ماعرفتك... شو الأخبار....... معطر المنتدى والله....

حبيبي..

[bahaa]

اسمي بهاء السلمان الملقب ب ابو سليمان
سكان خبب
طالب هندسةمدنية
سنة رابعة
العمر 22 سنة
الوضع العائلي:أعزب

وشكراً



ابو سليمان

[AboJado]

عصام
من الشام
العمر 25
و مقضيها بالنت

[QOSEe]

الاسم: قصي البخيتان
الدراسة : حقوق
العمر : 21





وشكراً للجميع

[munaf]

الاسم : مناف الحاتم
العمر : 26 سنة
الأقامة : دبي وأبو ظبي نص هون ونص هون
الوضع العائلي : أعزب جاري البحث عن عروس اذا الله راد
هوايتي : النت والسباحة و الدبكة

[muhaned alrashid]

الاسم . مهند الرشيد
العمر 32
الاقامة المانيا . فرانكفورت
الوضع العائلي اعزب

[yanoo_sh]

الاسم . مهند الرشيد
العمر 32
الاقامة المانيا . فرانكفورت
الوضع العائلي اعزب
لك الله يسعدك يا مهند والله نورت شو اخبارك يا حبيب
والله انا والاهل مشتاقينلك

[manar]

اهلا فيكم
واخيرا صارلنا موقع وصرنا نتواصل مع بعضنا
كلكم نورتو الموقع
واكيد نتشكر السيد اغيد الذيب اللي عطانا هل الفرصة لنكون مع بعض رغم بعد المسافات
ولازم كلنا نحط ايدنا بايدو لنحافظ على نقاوة هل الموقع

شكرا اغيد
انا: منار السمارة

بحب قول لمهند الرشيد اهلين وشو اخبارك

[Mershed]

مرحبا:
أنا مرشد السمارة أخو مناف و منار السمارة
حالياً في مدينة بورتلاند في ولاية أوريغون أميركا
شكراً و أهلاً بالجميع

[bahaa]

الاسم: بهاء السلمان
العمر 22 سنة مثل ماهو باين تحت الصورة
الاقامة: خبب العاصمة
الوضع العائلي اعزب ويقدر الحياة الزوجية

[Ezzat]

انا اسمي عزت بطحوش شماس إنجيلي بجمعية الآباء البولسيين وعمري 26 سنة
حاليا انا بلبنان بمدينة جونية و ناطر التعينات الجديدة تاعرف وين رح اتعين
رح صير خوري بي 22 آب ومن هسع الكل مدعويين ع الرسامة
بحب الرياضة والمطالعة والشغل مع الناس

[Nassim]

الاسم: نسيم ميماس

طالب كهنوت تابع لأبرشية بصرى وحوران وجبل العرب للروم الكاثوليك
الإقامة: حاليا برعية القديس فيردينو والقديسة تيريزا الطفل يسوع ( باريس)

[Nassim]

تحياتي وأشواقي لمهند الرشيد

[muhaned alrashid]

شكرا ياشباب ولله انا مشتاق للكل انا اخباري ماشي حالها
نسيم شو اخبارك شو صرت في فرنسا تعا زونا

[Fantom]

مرحبا أحلى شباب خبب

الإسم: حيان البطحوش
العمر: 21
الإقامة: خبب

شكرا لكل من ساهم بإنشاء هذا المنتدى الحبيب للقرية الحبيبة

[Ezzat]

اهلا وسهلا بأحلى اخو بالدني

[shadi al khalil]

شادي الخليل اعمل في مصر من اكثر من سنتين طبعا انا ابن خبب
اشتغل محاسب بشركة مقاولات المانية
من مواليد دمشق 5-3-1981
من هواياتي المشي في شوارع خبب والنوم في خبب والحصيدة في سهل خبب والاكل من اكل خبب والسهر في ليل خبب والصلاة في كنايس خبب وادور على الفطر بوعر خبب بس صار قليل هالايام

[رامي النوري]

الاسم:رامي النوري
الاقامة:المانيا-اوبركيرش
الوضع العائلي:متزوج وعندي بنتين و ولادين
العمر:30سنة

واحلى شباب خبب والله

[yanoo_sh]

مرحبا أحلى شباب خبب

الإسم: حيان البطحوش
العمر: 21
الإقامة: خبب

شكرا لكل من ساهم بإنشاء هذا المنتدى الحبيب للقرية الحبيبة

على راسي سميي حبيتك ومشاركاتك ولا اروع 100/100

[سلام]

الاسم:سلام البطحوش
العمر:28سنة
الوضع العائلي : زوجة رامي النوري


وشكر لكل اعضاء المنتدى
والقيمين عليه

[Fantom]

على راسي سميي حبيتك ومشاركاتك ولا اروع 100/100

على نافوخي من فوق يا سميي ومشاركاتك 100000\100

ورجاء مني إلك لا ترد على حدى وارجع أكتب بقسم من آمن بي وإمات فسيحيا

[Fantom]

الاسم:رامي النوري
الاقامة:المانيا-اوبركيرش
الوضع العائلي:متزوج وعندي بنتين و ولادين
العمر:30سنة

واحلى شباب خبب والله

أهلين بالصهر الغالي والله منور يا حبيب

--------------------------------------------------------------------------------

الاسم:سلام البطحوش
العمر:28سنة
الوضع العائلي : زوجة رامي النوري


وشكر لكل اعضاء المنتدى
والقيمين عليه

أهلين بأغلى وأعز أخت بالدنيا منورين بجد

[muhaned alrashid]

اهلين رامي وسلام

[سلام]

اهلين بيك مهند وشكرا الك على الترحيب
خلينا نسمع صوتك

[سلام]

اهلين باحلى واطيب اخ ...
وشكرا الك...
والموقع منور بيك وباعضاء المنتدى

[Ezzat]

اهلين باحلى صهر وأخت وأخ

[سلام]

لك اهلين باحلى ابونا والله..
واطيب واحلى اخ بالدنيا..
والله يخليلي ياكم كلكم.

[muhaned alrashid]

,ولله احلى شباب في العام سلامي الى كل خببي وخببية وين ما كانوا
والله يسعد مساكم جميعا

[رامي النوري]

اهلين بيك ويا مرحبا بمهند
شلونك ومنور بهالمسا

[رامي النوري]

احلى ولاد عم والله وشكرا الكم
ومنور بالشباب الطيبة

[wissamkhalil]

انا وسام الخليل ومقيم في مصر
اهلين جار لزم تتذكرني انا ابن ابو باسل

[رامي النوري]

اهلين باحلى جار..
لكان ما بتذكرك..حدا بنسى جيرانوا!
بس كنت صغير شوي؟؟؟
سلم على اهلك وخلينا نشوفك بالصيف.
وامي كمان بتسلم عليك وعلى اهلك...

[rasheed alrasheed]

غالي ياأبوحنا

[rasheed alrasheed]

سلام مهند والله يسعدك

[Fadi SALLOUM]

فادي سلوم
28 سنة
الاقامة : باريس
العمل : اختصاص عيون
مشتاق لاحلى خبب


بروحي تلك الارض ما اطيب الربا.........وما احسن المصطاف والمتربعا
واذكـر ايــام الحـمـى ثـم انـثـنـي.........على كبدي من خشية ان تصدعـا

[Ezzat]

ahla w sahla bi Fadi

[جهاد زيات]

الله يحمي خبب و اهلها و ها الموقع الحلو
و السيد اغيد الذيب على جهوده المشكورة
انا جهاد ميشيل زيات (ابو جورج)
من القصاع (سكان جرمانا)
زوجتي من خبب
بنت حياة جوزيف الشداد (ابو ايمن)
فاديا
عندي ثلاثة اولاد
ساره 13 سنة // زينة 11 // جورج 4
اعمل مدير مبيعات في شركة خاصة بدمشق لتوزيع المواد الغذائية(انتر فود)
خريج إدارة فنادق
اعشق خبب واهلها


الله محبة يسوع معنا

[hanan khalf]

my name is hanan khalf
24years old
married
one daughter
usa/florida

[MAAN ALHATEM]

الله يسعدو الزعيم ابو حنا
هي رح تكون اول مشاركة الي مع العلم انو انا متابع للموقع منذ اكثر من 4 اشهر

frankly i am so happy because of this web site
حابب اقول للمشرفين على الموقع الله يعطيكم العافية و الى المزيد من التحسين للموقع

معن الحاتم
العمل:Projects Engineer
الاقامة: السعودية - ينبع
العمر:29 سنة

بدك شي ثاني ابو حنا

سلااااااااااااااااام يا غالي.

[fadi al hatem]

الا سم :فادي الحاتم
العمر:17
الاقامة:خبب\الحارة الشرقية
الحياة الزوجية:خاطب العرس 9\9 \2009
الطول:178
الوزن:70

[shaam]

مرحبا يا جماعة
اسمي شآم العكة
مواليد 6\6\1982
مهندسة زراعية

اللي الشرف انو أكون واحدة منكم

[QOSEe]

اهلين وسهلين shaam نورتي المنتدى بوجودك
وبنتمنا انو يكون الك مشاركات فعالة وجميلة


welcome

[khalid]

my name is khalid bkhetan
im living in khabab
married with abeer salman
IT Engineer
im working in ministry of interior
thanks for working team

[QOSEe]

اهلين ابن العم والله منور هالمنتدى بوجودك
ومية اهلا وسهلا




hah*7hah*7hah*7hah*7hah*7hah*7

[muhaned alrashid]

اهلين شام نورتي المندى

[tom]

مرحبا(الله محبة )

أول شي يا ريت تقبلوني عضو جديد بالمنتدى مع اني متابع قديم لالو

اسمي توم واكيد مو الحقيقي لان بخبب بعد ما سموا هالاسم

عمري يمكن 26 او 27

هواياتي التدخين واكيد التواجد بالنت

طموحي ما لي طموح

دراستي درست بوحدة من هالجامعات بالبلد

قناعاتي ما في مستاهل ما في شي حرزان

[wissamkhalil]

أنا وسام الخليل
الاقامة مصر
العمل امن صناعي وعملت شهادات امريكية بالأمن الصناعي
العمر 20بس عازب
حوران يا أبيا خبب يابلادنا
ح

[mones]

mones
الأسم : مؤنس مارديني
العمر : 19
ميلاد : 14\2\1989 يعني بعيد الحب
مكان الإقامة : خبب الحارة الشرقية آخر بيت
الهوايات :الرماية والفروسية و ركوب الخيل و الأكل و النوم

[shadi]

shadi alfazaa

italia -novara
30 sane
salami ila kul ihli fi khabab

[د. نزيه قسيس]

الإخوة والأخوات في خبب
اسمي د. نزيه قسيس وأصل أجدادي من خبب قبل 80 سنة انتقلوا الى جنوب لبنان واصبحوا بعد الحرب من شمال فلسطين. يسعدني ان أتواصل معكم وإذا كان هناك أحد من عائلتنا ما زال يعيش في خبب فسوف أكون مسرورا أن أتعرف عليه. انا اعمل محاضرا في جامعة حيفا للغة الانجليزية! يا ريت أرجع على خبب وأعلم فيها !! شو رايكم؟؟ بتقبلوني؟؟
اخوكم الدكتور
نزيه قسيس

[اللوتس]

الاسم :بسام
الهواية :net والسيارات
السكن: في الصالون يعني في البيت

العمر:20

[mones]

الف مرحبا بالدكتور نزيه أرجع وأنت بتيجي لعند أهلك و بتشرف
مؤنس مارديني

[aboanwar]

سلام المسيح
بدايه : ألف مبروك على هذا الموقع الحلو كثير وانشاءالله بيحلا اكثر واكثر وبشرفني اكون احد المساهمين بهذا الموقع الجميل mabrok()*

اسمي اسامه الحاتم..... ملقب ابو أنور
عمري 26 سنه
الوضع العائلي غير متزوج kjkji**
العمل متطوع بالشرطه <رقيب> زائد حماية خبب من الغريب
هواياتي الرياضه عزف الطنبور والتمشايه بخبب
من سكان الحاره الشرقيه
انشاء الله تقبلوني بلس*بلس*بلس*

[Ezzat]

أهلا وسهلا بي أبو أنور. شرفت المنتدى يا احلى أخ وقريب وصديق

[Ezzat]

الإخوة والأخوات في خبب
اسمي د. نزيه قسيس وأصل أجدادي من خبب قبل 80 سنة انتقلوا الى جنوب لبنان واصبحوا بعد الحرب من شمال فلسطين. يسعدني ان أتواصل معكم وإذا كان هناك أحد من عائلتنا ما زال يعيش في خبب فسوف أكون مسرورا أن أتعرف عليه. انا اعمل محاضرا في جامعة حيفا للغة الانجليزية! يا ريت أرجع على خبب وأعلم فيها !! شو رايكم؟؟ بتقبلوني؟؟
اخوكم الدكتور
نزيه قسيس

اهلا وسهلا دكتور نزيه. ويا مرحبا بكل شخص موجود على هل الأرض وبيحاول يرفع مستوى الثقافة والتعايش والإنسانية من خلال التدريس والعمل والشهادة الحية اليومية وبكل مجالات الحياة. أهلا وسهلا فيك بمنتداك. وكل الناس هم أخوة بالإنسانية شلون إذا كان الواحد أصلو من خبب؟ مرة ثانية أهلا وسهلا بيك

[fadialbshara]

hi to you all . sorry i`m writing in english becouse my arabic keyboard is broken .thanks to those who work hard to make this website success and useful.hhf**

[Bassel]

والله فعلا شي شيك:
الاسم : باسل ياسر البدوي
الشهادة: ماجستير في الصيدلة اختصاص عقاقير ونباتات طبية
العمل: صيدلاني - المدير الاقليمي لشركة LG Life sciences
الوضع العائلي: متزوج
الطول: 192 سم ( خزاة العين)
الوزن: كل يوم اكثر من الثاني بس فوق المية
الهوايات: كتابة الشعر و النوم و لعب الطرنيب ( مع انهن من الصعب انو يتفقن بس ماشي الحال)
العمر 28سنة
مكان الاقامة بين الشام وخبب بس بخبب الحارة الغربية بعد الثانوية
اللغات: العربية والانكليزية والحورانية كما اتقن العديد من اللهجات

[muhaned alrashid]

لك اهلين باسل مافي داعي للتعريف انت غني عن التعريف
سلامات

[Bassel]

لك على راسي يا احلى مهند بس حلو انو الكل يعرف على حالو بالمنتدى

[جميل النوح]

لعيونك يا ويليام :
الاسم جميل النوح .
المولد المسمية /27/1/1957 .
الشهادة :بكالوريوس تجارة واقتصاد /اختصاص محاسبة /موظف بنفس الاختصاص.
الهوايات : حدث ولا حرج ..من هواة التصوير الفوتوغرافي ومن هواة التسجيل .
ومن محبي الشعر الجاهلي والتراث بانواعه وخاصة الحوراني وهو غني جدا .
واحب الالكترونيات اي التقنيات واحب كشف اسرارها .

لامستحيل عندي الا بعد التجربة .

[fadialbshara]

Fadialbshara uk- england -london-

[william]

لعيونك يا ويليام :
الاسم جميل النوح .
المولد المسمية /27/1/1957 .
الشهادة :بكالوريوس تجارة واقتصاد /اختصاص محاسبة /موظف بنفس الاختصاص.
الهوايات : حدث ولا حرج ..من هواة التصوير الفوتوغرافي ومن هواة التسجيل .
ومن محبي الشعر الجاهلي والتراث بانواعه وخاصة الحوراني وهو غني جدا .
واحب الالكترونيات اي التقنيات واحب كشف اسرارها .

لامستحيل عندي الا بعد التجربة .

بشرفنا وجودك عمي جميل وانشالله يضل التواصل على طول
ومشكور على المشاركات

[كاتيا]

انا اسمي كاتيا من فلسطين عايشة ببريطانيا وخريجة صيدلة وبعرف هالة من عندكم من خبب ومنشتغل سوى انا وياها والي الشرف انو اتعرف عليكم شكرا جزيلا

[Bassel]

أهلين كاتيا هاد طلعنا زملاء بس فيني اعرف خريجة اي جامعة

[william]

انا اسمي كاتيا من فلسطين عايشة ببريطانيا وخريجة صيدلة وبعرف هالة من عندكم من خبب ومنشتغل سوى انا وياها والي الشرف انو اتعرف عليكم شكرا جزيلا
ياهلا كاتيا منرحب فيكي بمنتدانا اخت عزيزة
وناطرين المشاركات

[كاتيا]

اهلا وسهلا فيك اخ باسل جامعتي بلندن school of pharmcy universitity of london وهي هي الجامعة

[muhaned alrashid]

اهلين كاتيا نورتي المندى

مهند الرشيد
المانيا

[Bassel]

مشكورة على الرد شرف لنا ان تكوني معنا في المنتدى

[Emily]

انا اسمي اميلي انا عايشة ببريطانية . تلقيت دعوة من ابن بلدكون فادي البشارة هو صديق عزيز لالي وشجعني حتى سجل معكون بالموقع وانشالله بتقبلوني اخت وصديقة وكون عند حسن ضن الكل.وشكرا

[khalil Al Debie]

انا اسمي خليل الدبعي

موجودحاليا في مصر

غير متزوج لحد مابفرجها الله

هواياتي المشاركة بمنتدى خبب ولعب تركس و61

[fadialbshara]

اهلا وسهلا اخت اميلي انا مبسوط انك تكوني معنا كعضو وانا بتوقع راح تلاقي ترحيب كبير من شباب واعضاء الموقع ..وانشاالله تستمتعي معنا وتفيدينا بمشاركاتك.وانا بشرفني عرفك على الموقع.

[WAEL SHADAD]

مرحبا
أنا وائل الشداد
العمر 21
سنة تالتة طب بشري
الوضع العائلي عازب و شكلي مطول
واحلى شباب خبب

[SUHAIB]

اهلا وسهلا نورتينا اتمنى لك وقتا طيبا معنا
الترحيب خاص باميلي واهلا وسهلا فيك معنا

صهيب الحاتم طالب بجامعة دمشق
سنة رابعة حقوق(قانون)

هواياتي:السباحة والكتابة والمطالعة عموما
العمر:23

سلامي لبلبل غريده بعث خضرة بموت اغصان ايامي
غنى مقطعا من احلامي
سلاما لمسافات بين نهدي الارض وشفاه القمر
سلاما ياصديقا قربه انزف عيوني سيلا يسلخ الحجر
سلاما من حروفي لو ان سلامها لن يحرك القدر
فلا انتهي سلاما ما دام مابين ضلوعي يحركه قدر
لن اوقف سلاما يعزف حبي للذي ارتقى اسلوب البشر
hhf**hhf**

سلامي للجميع

[adam]

اهلا وسهلا ونورتي وانشااله بتفيدينا بمشاركاتك وبتستمتعي بالموقع نحنا كلنا اخوة واصدقاء بموقع خبب

[SUHAIB]

برحب بسارة ترحيب مميز واهلا وسهلا فيك

وبتمنى تشاركينا دايما

[Edhar]

اسمي ادهار
العمر 25
الاقامة : ازرع والشام
اللغات ماعندي لغات الحمد الله حتى حوراني مطبش
الهواية اكيد كرة القدم وانترنيت وتعارف ومطالعة
الوضع الاجتماعي وحيد عازب وعم دور على عروس

[shadi al khalil]

يا حيالله بيك استاذ ادهار
وشكرا لك لتلبية الدعوة وان شاء الله مانتشوف منك غير كل مشاركات حلوة
وفعلا انت اليوم منور المنتدى

[الساهر]

يمكن عم تابع المنتدى من الصيف.... ووصلتو عن طريق الجوجل يعني
ويمكن سجلت فيه بأخر السنة تقريبا........
ويمكن ما شفتوني غير هلأ بهالفترة الاخيرة........
اسمي يامن ....
عمري بالعشرينات هيك شي يعني......
هواياتي كتيرة وهلأ المنتدى هو هوايتي اللي شاغلتني اكتر شي....
سكان الشام,., وخريج كلية الاقتصاد والعمل اكيد محاسب....
لغاتي غير الشامية اللي كل اهل خبب بيتقنوها بامتياز الانكليزية وكنت بعرف فرنسي بس هلأ نسيان.....

سعيد بوجودي معكن وانشاءالله ما بنكون الا احباب ولا تواخزونا على اي شي مو حلو بدر منا...

[أبيبا]

اسمي: ابيبا
عمري: الاف السنين
ابنتي: خبب
احفادي كثر
مساحاتي شاسعة
ارتفاعاتي شاهقة
الواني متنوعة زاهية
روائحي عطرة
العلامات المميزة اربع شامات
الهوايات ان ارى احفادي يزورونني دوما
المستوى التعليمي: جميع انواع الشهادات
الوضع العائلي: بتول

[Bassel]

كل هذا وماعرفناك انت مين بلا صغرا

[الساهر]

اسمي: ابيبا
عمري: الاف السنين
ابنتي: خبب
احفادي كثر
مساحاتي شاسعة
ارتفاعاتي شاهقة
الواني متنوعة زاهية
روائحي عطرة
العلامات المميزة اربع شامات
الهوايات ان ارى احفادي يزورونني دوما
المستوى التعليمي: جميع انواع الشهادات
الوضع العائلي: بتول

انو اتشرفنا ومية الف اهلا وسهلا......

بس عندي سؤال ياترى محل ابيبا يلي بالقصاع تبع بيت الخوري بيخصك شي؟؟؟؟

وشو يعني بتول......هاي ما زبطت معي.....يعني ابنة واحفاد ومن هالحكي!!!!!!

بس لاتقلي عندك ولد اسمو جبل العرب....

منور على كل حال

اهلين عيوني *yaloo**yaloo*

[قصي الفزاع]

مرحبا يا جماعة انا قصي الفزاع

[rajeh]

اهلين عمي قصي
شو مساوي مثل عودة غوار
ولا ابطال الديجيتال
المهم منشكر الله على
رجعتك بالسلامة
المهم شو جايبلنا هدايا

[ابولويس]

الاسم :فادي كنيهر
العمر :24
عندي بس مادتين لاتخرج من كلية الحقوق اللي ولامرة حسيت فيها باني طالب جامعي
لما سمعت انو صار لخبب موقع صرت اضل كل نهار احاول اعمل او اكتب شىءلحتى اشارك بموقعنا
في خبب
عشت المغرب والمشرق
عشت الصيف وعشت ثلجها المحرق
عشت السلم
عشت الحب
عشت قوة المنطق
في خبب
عرفت اناشيد الأجراس
عرفت قوانين الإحساس
عرفت العشق
عرفت الصبر
عرفت الطمأنينة بين الناس
في خبب
تنزهت مع الطبيعة والشجر
رافقت الفصول وأيام السهر
وبالقرب من القمر
اتخذت مقري
أقرأ خواطر البشر
fadi kneher

[sameh]

الاسم سامح النجم
العمر 28
الهوايات الرسم والمطالعة والموسيقا

[yamen78]

الاسم : يامن الذيب
العمر : 30 سنة
الاقامة: خبب
العمل : موظف
الحيات الزوجية : عازب

وشكرا الك يا معلم وئام على الفكرة
وتحياتي للجميع في المنتدى

[yamen78]

اهلين ب رامي النوري مشتاقين
منور

[Emily]

Hi my name is Emily Smith from UK Fadi introduce me to khabab.net
I live in London and I love khabab .net so much

[yamen78]

اهلين يا هلا يا هلا ابو الزوز ع راس اهل الحارة كلهم
اخوك ي ذ

[yamen78]

اهلين بزيدون وينك السنة ما طليت علينا مشتاقين نشرب معك كاسة بير
اخوك ي ذ

[yamen78]

اهلين ب ابن العم
مشتاقين
ي ذ

[christina]

الاسم: كريستينا
العمل: طالبة في الجامعة الامريكية ببيروت- قسم الاعلام
الهوايات: السباحة و النت
اللغات: عربي- انكليزي- فرنسي-

[shadi al khalil]

اهلا انسة كريستين
شو اخبار لبنان واهل لبنان
نورتي الموقع
ويا مية اهلا وسهلا بيكي

[christina]

مشكور اخ شادي انا تعرفت على الموقع عن طريق واحد من الشباب بالموقع وما بدو اقول اسمو
على كل لبنان كثير حلوة بهالايام وبتسلم على سوريا

[Ezzat]

أهلا وسهلا بإختنا كرستينا. انشا الله تمضي أحلى الأوقات برفقتنا زنحن نستفيد من خبرتك وخبرة أهل لبنان بهل المواضيع.

[جميل النوح]

أهلا وسهلا بالأختين إميلي سميث وكريستينا نورتو الموقع .
إميلي وين هالغيبة زمان هالقمر ما بان welcome *wrd**wrd*

[jojo]

مرحبا أنا اسمي جولي من الشام بتمنى كون من عيلتكن

[SUHAIB]

اهلا وسهلا ياجوجو
بتمنى نشوف مشاركاتك
وبتمنالك اطيب الاوقات معنا



*n_64*

[Bassel]

يامية هلا بجوجو وكل اهل الشام مطرحكم بالقلب

[الساهر]

رح نقلك عالطريقة الحورانية ::: يا حيا الله*n_64*

بس مو تفهميها غلط وتزعلي منا متل ناس قبلك ...

هلا عيوني

[Ezzat]

أهلا وسهلا فيكي، وانشا الله بتقضي أحلا الأوقات معنا ونستفيد من خبرتك بإغناء الموقع

[ايهم الجط]

اهلا وسهلا فيك يا جولي بمنتدى خبب ويا ريت نعرف معلومات عنك اكتر

[shadi al khalil]

اهلين وسهلين بالسيد ايهم
منور يا حبيب

[الساهر]

اهلا وسهلا فيك يا جولي بمنتدى خبب ويا ريت نعرف معلومات عنك اكتر

كمان مرة اهلين بالاخ أيهم وبالاخت جولي.....
بس غريب انت بأول مشاركة بدك تعرف عن شخص يمكن شارك مرة وحدة كمان....؟؟؟؟؟؟؟
يعني اسلوبك بيرشحك تصير منسق دغري...
منور وهلاعيوني

[SUHAIB]

شو كلكم باتجاه واحد؟؟؟؟
يمكن جوجو اكثر عضو رحبتوا فيه
والله نيالك يا ام الجوج
واهلين فيك وبايهم شرفتوا

[SOZY]

مرحبا كل لي تعرفنا عليهم هون ولي ماتعرفنا عليهم

انا من خبب وبحكم دراستي بزور حمص والشام بس مو دايما

انا اكيد اسمي مو سوزي بس اخترت هالاسم لانو بيشبه اسمي بشي
ولانو مافيني حط اسمي يعني للاحتياط مو مشان غير شي

بتمنى تفهموني

بشكركم جميعا على كل الجهود والموقع حلو وجدي وانا حبيتو *الصليب*@

[wissamkhalil]

اهلين فيك وبكل بنات خبب نورتني المنتدى
ومن شان الاسم عادي شي طبيعي
مرة ثانية اهلين وسهلين

[أنس العكة]

اسمي أنس كمال العكة
من سكان درعا
موظف بالشركة المتحدة للـتأمين
طالب أدب إنكليزي
مغترب سابق في أبو ظبي

[jool]

الف تحية لابو كمال اهلين عمي انس انت مسجل رقم قياسي صعب حدا يكسروا اللي هو احرازك اعلى علامة بالفرع الأدبي احييك ايضا على تفوقك بالأدب الأنكليزي الى الأمام انس

[جميل النوح]

اهلين عمي انس والنعم منك

[SUHAIB]

هلا بانس خليك معنا لاتغط

[said_nidhal]

ماذا أفعل لم أفهم شئة؟

[said_nidhal]

ما الحب إلا محطم الحياة

[said_nidhal]

السلام إن كان حدا بالموقع رجاءا يفهمني

[said_nidhal]

سلاممممممممممممم

[Ezzat]

اهلا وسهلا فيك أخ سعيد بالموقع، يا ريت تعرفنا عن حضرتك كرمال التواصل بين بعضنا البعض. اهلا بأشقاءنا في تونس الخضراء

[Bassel]

اهلا وسهلا بك اخ سعيد لم اعرف ما هو الذي لم تفهمه
على كل يمكنك التواصل معنا على الدوام ولك مني كل احترام وتقدير

[EHAB RISHAN]

سلام لكل المشاركين
اسمي :هوهو الريشان ارجو ان تفهموني وتفهمو وجعي مشان الاسم الاولاني
وانا اسف مارح قول كم عمري لأسباب احتياطية
بس رح قول ايمتى ولدت 13\12\1973
مع كل يلي شفتو من اعمار صرت حس حالي ختيار
وانا اسف مارح قول اني عازب مشان الامان بلكي فهمتوني غلط
العمل تجاري زائد تصوير اعلاني
الهوايات :الرماية والسباحة وركوب الخيل
مكان الولادة :دمشق
مكان التربية بين القصاع وشقرا
اصل العائلة من شقرا
اما مكان الاقامة الحالية فلا تواخذوني انا بمدينة كوانجو في الصين الشعبية
واهدي سلامي لكل الشباب ولا تواخذوني اذا نسيت حدا منكم
منبدأ بالأخ جميل
يا معلم انا شفت انك بتحب التصوير مشان هيك رح ابعتلك موقعنا الالكتروني

www.freeeye.org
واما الاخ الساهر انت متلك متل غيرك فادي وباسل وصهيب الغاليين كثير على قلبي
اما الاخوات المجهولين الاسم
تحياتي الحارة جدا جدا
ابونا عزات
الله يوفقك برسالتك
يا الله والله عم انسى مين في بعد
صديق الطفولة الدكتور فادي النا قولا
مافي داعي الكل يعرف غلاوتك عندي هي بيني وبينك
اما مفاجأتي الكبرى بالاخ رامي النوري
سلامي الك وللوالدة ولكل عيلتك مع انك ما بتعرفني
بس انا دايما كنت قول عن اخوك سامر (رب اخ لك لم تلده امك)
فاذا كان اخوك هو اخي فنحن اخوة بدون شك
و ليس بعد
اهدي سلامي لحوران كلها يلي فيها ربيت ولخبب يلي عرفت فيها معنى الصداقة والاخوة
ولشقرا :قريتي الحبيبة اللتي لم اعرف غلاوتها الا بعد ما سافرت
منيجي عالاهداء الاخير
الاخ جوزيف النوح
هو يلي بعتلي قصيدة من موقع خبب ومن خلال اللينك عرفت المنتدى
عدا عن ذلك كان من اكتر الاشخاص قياما بالواجب اثناء زيارتي للكويت
فأكيد رح تتخيلو شكري وامتناني

[فادي الناقولا]

اسمي فادي الناقولا
عمري 36 سنة
اعمل طبيب اسنان في السعودية (الرياض) حاليا وقريبا انشالله سوف اعود للوطن
متزوج وعندي 3 اولاد
اسكن في كشكول مقابل الدير مباشرة ونشكر الله على الجيرة

[fadi al hatem]

ميت اهلا وسهلا بشباب المسمية جميع منورين المنتدى بوجودكم يا حبايب يا ميت هلا

[Bassel]

عزيزي ايهاب وفادي منورين دايما انتو اغنى من التعريف مشهورين
شكرا ايهاب على التحية

[فادي الناقولا]

شكرا دباسل واخ فادي اخجلتمونا

[الساهر]

أبو شقرة الغالي .. أحلى شي انك كنت مقضيها بين القصاع وشقرا....وبالاخير كملت معك بالصين..

دكتورنا فادي .. طلتك معنا شرف النا.. وياريتني عرفانك جاي ماكنا تخورفنا بتصليح الأسنان عند غيرك.

#&#&#&#&#&#&#&#&#&#&#&#&#&#&#

كل الشرف انو اتعرفت عليكم بالمنتدى .. ويمكن كون متأخر اني اكتب ترحيب فيكم هون.. لكن أنا اعرفتكم قبل ماأعرفكم

ولهيك رح قول nice 2 meet u

[فادي الناقولا]

شكرا على ذوقك ياساهر

[naya]

اهلين بالجار انس و ابن عمو ابو ناصر

[naya]

شو هلكتيبه الحلوه ياابو الفدا فكرت مارسيل عم ينزعك

[copen]

الحلوة بلمضوع فيي كثير عالم بتفوت على هزا الموضوع بلزات وما بتعرف تكتب اسمها
الاسم جورج ميسر فريجات

[EHAB RISHAN]

احلا ابو جريج الملك والله هيك عبيت راسي تمام
مو متلي حطيت اسم وهمي هوهو
والمعلم ساهر مشكور كتير وتحية طيبة من القلب

[naya]

اهلين بمهند الغالي شلونك ياخي اشتقنالك بكفي تعال

[fadi al hatem]

الف مبروك يا ابو نايا العروس وميت هلا فيك بالمنتدى منور يا حبيب

[naya]

على راسي ابو الفدا والله يبارك بعمر ك ونشالله نفرح فيك (ياخي ماتيجي تشرب مغلي )
معليش تعال على الناشف لتخجل

[abo layla]

مرحبا يا شباب انا علاء الذيب
العمل: مهندس زراعي أعمل في مشروع تنمية البادية
يمكن تأخرت بتسجيلي بالمنتدى بس كنت اتابعكم بشكل دائم
مرحبا يا شباب

[فادي الناقولا]

اهلا باش مهندس

[jol jamal]

حييــتم مــن طلــل احبائي قرية خــبب
هذا اول يوم ادخل فيه على موقعكم الجميل مشكورين ذكرتونا بالوطن
شباب خبب من افضل الشباب على كيف كيفك
يا احباء من يعرف السيدان المحترمان عماد الحاتم وماضي البدوي من خيرة شباب خبب لهم من باريس احلى سلام ومحبه

[fadi al hatem]

ميت اهلا وسهلا بالعم جول وميت هلا نورت المنتدى ونشالله بيوصل سلامك لابو نبيه (عماد الحاتم)

[carolin]

اسمي كارولين السلوم
العمر 23
سنة خامسة هندسة حواسيب
حبيت اكون من عيلة هالمنتدى

[wissamkhalil]

اهلين وسهلين ومرحبيتين كارولين
نورتي المنتدى
سلميلي على فادي

[فادي الناقولا]

شرفتينا انسة كارولين وانشالله بنستفيد من خبرتك بالكمبيوتر

[جميل النوح]

أهلاً وسهلاً بالاخت كارولين السلوم نورتي المنتدى ونتمنى لك الفائدة والإفادة ....أنت من بنات اخوالي وهلا بالغوالي ...

[رورو]

اهلا فيكي كارولين.. نورتي المنتدى..

[SUHAIB]

اهلا وسهلا بكارولين
نورتينا

[Ezzat]

اسمي كارولين السلوم
العمر 23
سنة خامسة هندسة حواسيب
حبيت اكون من عيلة هالمنتدى

اهلا وسهلا فيك، واكيد انت صرتي اخت لألنا بهل المنتدى. وانشا الله بتزودينا بكلشي جديد عن عالم الكمبيوتر.

[THE PUNISHER .M]

Name:the punisher
hobby:love english music(50cent,akon,,eminem.chris brown)m
age;15

[carolin]

أهلا وسهلا فيك ...بس بالعادة نحنا هون منعرف عن اسمنا الحقيقي
بس عكل منتمنالك وقت حلو معنا

[أنطون الخوري]

الاسم: أنطون ابراهيم الخوري
أنا من قرية صدد تبعد عن مدينة دمشق 120 كلم أعمل مساعد رئيس مكتب المساحة في شركة صينية (bgp )
العمر : 35 سنة
متزوج وعني طفلين جيزيل و جو ليان
اكتسبت شرف بقبولي في هذا الموقع الكريم , وأعجبني دفء قلوب رواده و مشاركاتهم اللطيفة والمستوى الرفيع والمحترم في التعليق على المواضيع .
أقيم في منزلي الكائن في الدويلعة وقد اكتسبت من جيراني بحكم الاقامة الجنسية الحورانية وانا اعتز بها



الله محبة

[رورو]

اهلا بالاخ انطون وبكل اهل صدد والله يخلي الاولاد وعقبال ما تعرفنا على المدام كمان.. واهلا بالبانيشر بس انشالله ما تكون اسم على مسمى..

[fadi shadad]

نورت المنتدى

[Bassel]

اهلا وسهلا بانطون وكل اهل صدد واحلى كاس متة

[SUHAIB]

الاسم: أنطون ابراهيم الخوري
أنا من قرية صدد تبعد عن مدينة دمشق 120 كلم أعمل مساعد رئيس مكتب المساحة في شركة صينية (bgp )
العمر : 35 سنة
متزوج وعني طفلين جيزيل و جو ليان
اكتسبت شرف بقبولي في هذا الموقع الكريم , وأعجبني دفء قلوب رواده و مشاركاتهم اللطيفة والمستوى الرفيع والمحترم في التعليق على المواضيع .
أقيم في منزلي الكائن في الدويلعة وقد اكتسبت من جيراني بحكم الاقامة الجنسية الحورانية وانا اعتز بها



الله محبة


يعني الدفا واللطف مزروعين بكلماتك
بتمنالك اطيب الاوقات معنا وانشالله منشوفك دايما ومنستفيد من وجودك
والله يخليلك جوجو وجوجو
ومية مرحبا ومعزوم لعنا عزيمة شد

[ابو جوزيف]

الاسم ابو جوزيف
العمر 26
الاقامة دمشق باب توما
السويداء الدارة جنب الجسر
ا

[SUHAIB]

اهلا وسهلا بابو جوزيف نورت
ومية مرحبا فيك معنا

[Bassel]

اهلا وسهلا بابو جوزيف منورة بوجودك

[EHAB RISHAN]

اهلين بالاخ ابو جوزيف تشرفنا
بس لسا ما تعرفنا

[لورانس ابو سيف]

&صليب*&صليب*&صليب*اسمي . لورانس ابو سيف
العمر 36 سنة
مقيم في السويد بمدينة غوتنبورغ
متزوج ولدي ولدان ايزابيل و الكسندرا
احب الحياة الاجتماعية وللاسف غير موجودة هنا
المهنة موظف
وانا من خبب رقم التلفون 0046735307918
وشكرا لكم ولجميع القائمين على هذا الموقع

[SUHAIB]

اهلين فيك لورانس نورت ومية مرحبا
بتمنالك اطيب الاوقات وانشالله نضل نشوفك دايما

[أبو ذيب]

اهلا لورنس اجمل الاوقات نتمناها لك

[EHAB RISHAN]

منورالمنتدى اهلا وسهلا

[carolin]

اهلا فيك لورانس ..انشالله منشوفك معنا دائماً بالمنتدى

[Bassel]

[quote=لورانس ابو سيف;37728]
هلا عمي لورانس شرفت المنتدى انبسطت كثير بالتلفون وسماع صوتك ولما اتصلت فيا عن جد حسيت انو خبب فعلا شغلة كبيرة اكبر مما تصورت يمكن لما نبعد عنها بنحس بقيمتها اكثر
وهلا عيوني

[primavera]

الاسم: primavera
العمر : 19
الاقامة: Egypt
العمل: studying tourism & hotels
شكرا عالموضوع ويسعدني انو يكون اول موضوع اشارك فيه
ميرسي لحضرتك

[Bassel]

أهلا وسهلا primavera نورتي المنتدى بس فيني اعرف معنى اسمك

[waddah]

يعني الربيع يا حكيم primavera
واهلا وسهلا ب ريم

[Bassel]

أوكي هلأ عرفت primavera كلمة ايطالية معناها الربيع
لانني حسب معلوماتي اعرف نبات يدعى primavera

[primavera]

primavera فعلا يعني ربيع بالايطالي زي ما قال waddah
شكرا لـ bassel و waddah عالترحيب
سعيدة بانضمامي ليكو

[د.وجدي العقل]

مسا الخير يا شباب خبب

أنا اسمي وجدي العقل

مهنتي: طبيب

من سكان مدينة دمشق

حابب كون صديق لهالمنتدى الكريم

[primavera]

اهلا وسهلا دكتور وجدي
يشرفنا وجودك
ومنتظرين موضوعاتك بشغف

[أبو ذيب]

أهلا وسهلا دكتور نورت الموقع

[EHAB RISHAN]

اهلا وسهلا بك دكتور وجدي
اتمنى لك و منك الاستفادة

[لورانس ابو سيف]

يشرفنا وجودك معنا واهلا وسهلا فيك اخوك لورانس

[اليوسف راوي]

سلام الرب عليكم جميعا

انا أسمي
راوي كريم يلدا

السويد
اعزب

اتمنى ان اكون من المرحبين بهم في بيتكم الجديد
&صليب*

[EHAB RISHAN]

اهلا بك اخ راوي ويسعدنا وجودك
ويشرفني ان اكون اول المرحبين
انت وين بالسويد:يوتوبوري؟

[المارديني]

انا جورج مارديني
الاقامة سوريا دمشق باب شرقي
الطول 178
الوزن بلا ال 78
الوضع العائلي متزوج وعندي بنت امورة اسما ميرا
الهوايات الغولف (الدواحل) + الفورميلا ون والتزلج على الجليد اما بالنسبة للهوكي فتركتها من شي سنتسن

[لورانس ابو سيف]

اهلا وسهلا اخي جورج ونشالله تكون سعيد بموقعنا جميعا موقع خبب والله يخليلك هالبنت الحلوة

[Ezzat]

اهلا والف سهلا. واحلى كاسة متى تاراغواي

[التدمري]

مرحبا شباب
اسمي ماهر القيم
من مدينة تدمر الاصل ومقيم حاليا في الصين
خريج كلية الفنون الجميلة و اكادمية اسمود الفرنسية للازياء
اعمل مصمم ازياء
أعمل حاليا في الصين بمدينة كوانزو مع ايهاب الريشان وهو الذي عرفني على هذا الموقع
تحياتي وتقدير لكم

[لورانس ابو سيف]

يا ميت اهلا وسهلا فيك شرفت المنتدى ونحن جميعنا معك قلبا وقالبا الله يعينك على مصيبتك


قلتلي مع ايهاب نحن بغير بلد مو مخلصين



اهلا وسهلا مرة ثانية فيك وباهل تدمر

[Bassel]

اهلا وسهلا بالتدمري وكل السوريين المغتربين بالصين وهذا شرف كبير لالنا انو تكون معنا بالمنتدى

[Ezzat]

اهلا وسهلا بضيفنا العزيز وانشا الله بتمضي احلى الاوقات معنا بالمنتدى

[seemo]

اهلا فيك أنا سيمو ويمكن صار كل المنتدى بيعرفني
تشرفنا بمعرفتك ياريت تزودنا بخبراتك وتكون معنا عضوفعال

[عبدالله الرشيد]

اهلا اخ ماهر مية مرحبا

[aiman]

الاسم ايمن المارديني الاصل خبب
العنوان جرمانا - الجناين الجديدة - طريق المليحة
الميلاد دمشق 1965
العمل مهندس ميكانيك موظف في مؤسسة مياه دمشق
متزوج و لدي طفلتين مرح و مايا
الهوايات الكومبيوتر و التلفزيون و الشاي و دخان الحمرا
اللغات شوية فرنسي على شوية انكليزي على كلمتين الماني و ياباني و محاولات جادة و طموحة بالحوراني
الوزن خير الله
الطول ماشالله
الصورة بلالكن هالشوفة
منيح هيك ؟
اكتشفت الموقع صدفة من فترة قريبة و تشجعت لما شفت اسم لورنس الغالي ابن المحترم
و هي فرصة ممتازة ليتعرف الواحد على الوجوه الطيبة و أهل بلدو
سلامي للجميع
و برافو

[عبدالله الرشيد]

اهلا ايمن بس ياريت نعرف انت ابن مين

[أبو ذيب]

اهلا وسهلا ايمن

[Maher Al Fazaa]

أهلاً وسهلاً بك أيمن ونتمنى لك أمتع الأوقات برفقتناماهر الفزاع
أبو ربيع

[aiman]

انا ابن مجيد المارديني و والدتي ابنة الاستاذ حنا المارديني

[Ezzat]

اهلا وسهلا بالاخ ايمن، نورت المنتدى بموجودك. يلا شمر عن ايدك وبلش بالشغل.
ينعاد عليك وعلى اسرتك بالخير والسلام

[aiman]

شكراً ابونا
ترحيبك عزيز و غالي و بيفرحني

[لورانس ابو سيف]

انا اكمن مرة بدي ارحب فيك لك مية اهلا وسهلا بالغالي ايمن ابن الغوالي

يا جماعة ايمن وعيلته من عضام الرقبه وايمن واحد منا وفينا وعلى الراس والعين

انتوا من الاكارم والاجواد الله يديمك يا ايمن ويوفقك يا رب

ما عاد اقول اهلا وسهلا صار دورك ترحب بالعالم

[aiman]

الله يخليلي ياك و يخليلك العيلة و الاهل
اكابر ابن اكبر و مو بايدك و غصبن عنك

[هادي جدا]

السلام عليكم

انا احمد من حوران بلدي الازليه

جذبني فوح العبير في منتداكم

فجئت على مهل واستحياء

لادلي بدلوي بين الدلاء

عمري هو اللحظة التي فيها اعيش

احب القراءة والادب والشعر ومجمل الفنون

متزوج .......

وامارس عملا انسانيا

المعذرة

والسلااااااااااام

[EHAB RISHAN]

اهلا وسهلا بك اخ احمد
اسم هادي جدا لابق لكتابتك
بيتك ومطرحك و بتمنى تكون مبسوط بيناتنا

[لورانس ابو سيف]

السلام عليكم
انا احمد من حوران بلدي الازليه
جذبني فوح العبير في منتداكم
فجئت على مهل واستحياء
لادلي بدلوي بين الدلاء
عمري هو اللحظة التي فيها اعيش
احب القراءة والادب والشعر ومجمل الفنون
متزوج .......
وامارس عملا انسانيا
المعذرة
والسلااااااااااام


شرفتنا اخ احمد ومثل ما قال اخي ايهاب بيتك ومطرحك ويا حيلا فيك بيناتنا

[هادي جدا]

السلام عليكم
حياكم الله جميعا
وشكرا لاستقبالكم المؤنس
وترحيبكم اللطيف

[وليدالحريري]

لاأحب الاسماء المستعارة الحقيقه أفضل وليس هناك أجمل من التعارف

وشكرا"لادارة هذا المنتدى الرائعه وأرجو لكم التوفيق /بصرالحرير/

[لورانس ابو سيف]

لاأحب الاسماء المستعارة الحقيقه أفضل وليس هناك أجمل من التعارف
وشكرا"لادارة هذا المنتدى الرائعه وأرجو لكم التوفيق /بصرالحرير/


ياحيلا باهل بصرى الحرير والسبع تنعام فيك وفيهم

اهلين اخي وليد نورت الموقع وانشالله تفيد وتستفاد معنا


ويامرحبا فيك

[aiman]

هلا بالسيد وليد
انشالله تنبسط معنا

[WAED]

مرحبا بتمنى كون ضيفة خفيفة عليكم سلام المسيح من rose heart لكل اهالي خبب**مبسوط**

[Maher Al Fazaa]

أهلاً وسهلاً بك أخت وعد ضيفة عزيزة على منتدى خبب ونتمنى لك طيب الإقامة معنا والمزيد من الإفادة لك ومنك.
ونتمنى كمان نتعرف عليك أكثر شوي. يامرحبا
ماهر الفزاع
أبو ربيع

[لورانس ابو سيف]

اهلا وسهلا فيكي يا وعد نورت الموقع وانشالله تكوني سعيدة معنا

ناطرين مشاركات يا مرحبا

[aiman]

هلا بالست وعد

[أبو ذيب]

اهلا وسهلا اخت وعد

[WAED]

good*مسا الخير وشكرا كتير على الاستضافة يا شباب وتكرم يا ماهر رح عرف اكتر عن حالي عمري 21سنة وانا مدرسة بدرس بالشام وبزيادةh$
RoseHeart

[جميل النوح]

هل بالطلول لسائل رد ....أم هل لها بتكلم وعد
...أهلاً أختنا وعد إذا ما خاب ظني أنت جارتنا

[WAED]

لي يا جميل حضرتك ساكن بالشام

[WAED]

وأول سطر ما فهمتو فيك تعيدو اذا بتريد ياجميل

[قصي]

*n_64* كيفك أخت وعد أنشاء الله أتكوني بخير ياأحلى أخت بكل الكنيسة

وأنا اسف على الكلام الي قلتو ولما عرفت أنك دخلتي بلموضوع رحت أعتذرت من الخوري لأنك بتموني على الراس *المسيح*2

[لؤي]

good*مرحبا أخت وعد كيفك طمنينا عنك شكرا على النصيحة وعنجد كلامك اثر فيني
*الصليب*@

[WAED]

مافي مشكلة وقلي كيف اهلك وبعدك ناوي على السفر ياقصي

[جميل النوح]

هو من قصيدة لدوقلة وأحببت أن أرحب فيكِ بهذا البيت الشعري لقصيدة من الروائع ...
نورت المنتدى أختنا وعد أهلاً وسهلاً

[WAED]

شكرا ياأخ جميل والمنتدى منور فيك

[aboanwar]

أهلاً وسهلاً بالأخت وعد

[WAED]

اهلا اخ ابو انور

[WAED]

كيفك يا لؤي شو اخبارك وتكرم كل يوم تعال بس بلا مشاكل

[قصي]

*n_64*مرحبا عمي جميل وشلونك أنشا الله الصحة مليحة&صليب*

[قصي]

مرحبا عمي قصي

[رورو]

انتو فوتونا بالحيط ها... بس اهلا وسهلا فيكن..

[لورانس ابو سيف]

الى الاعضاء وعد ولؤي وقصي حبيباتي نحنا مو فاتحين تشات عنا هون

في حكي وسلامات بتتصلو ببعضكم وبتحكوا اذا سمحتو هي اخر مرة

بيصير هالحكي منتدى خلونا تنعرف للتعرف بالاعضاء والترحيب بهم مو منشان

غير شي الرجاء للمرة الاخيرة وشكرا

[عبود العظامات]

انا عبداللطيف العظامات
اقيم في الاردن / البادية الشرقيه الشمالية للاردن
وانا من اصول بدوية
درس لمرحلة البكالوريوس تخصص نظم المعلومات الادارية (mis)
انا اعمل في التجارة بعد ان استقلت من الوظائف الرسمية
العمر 30 سنة
الهوايات الرياضة (كرة القدم) و الشعر والذات الشعر النبطي

وشكرا

[EHAB RISHAN]

اهلا وسهلا اخ عبود وانشالله تكون مبسوط بالتواجد بين اخوتك
في بيتنا المتواضع

[أبو الشام]

اهلآ بكم سيد عبود

[copen]

اهلا بلحبيب اهلا

[لورانس ابو سيف]

يامرحبا واهلين بكل اهل الاردن الكرام ومنقلكم

يامرحبا واهلين باهل المواجيب
عد الثمر واعداد برق السحابه

الله يحييكم على العز والطيب
ياللي لكم يوم الملاقا مهابه

شرفتنا وانشالله تنبسط معنا ويا حيلا فيك

[حنان شمعون]

اهلا وسهلا اخ عبود نتمنى لك اسعد الاوقات

[عبدالله الرشيد]

اهلا بالاخ عبود على فكره حوران والاردن تاريخ واحد وتراث واحد لازم نسمع منك شي

[جميل النوح]

بتشرفنا عمي عبود .....ومعك تحلا المقامات ( الإقامة )
نتمنالك دوم تجود .......معنا بأحلى المقامات (مقامات الشعر )
................
وأهلا وسهلاً نورت
اسمك باللفظ لطيف ...اسم على مسمى
ويلي ما بيرحب بيك .....الله يبعثلو حمى (بعيد الشر عنكم )

[Maher Al Fazaa]

الحقيقة إحنا حابين نرحب بعبود... ونشرب معو فنجان قهوة على الأقل واجب الضيافة المتعارف عليه بين الأردن وحوران...
فأهلاً بك عبود ويا مية مرحبا مرتين...
مرة واجب وكرم ضيافة ...... ومرة استجابة لأبو ألفريد المحترم

[jihad badawi]

يا مئة مرحبا

[علي الحاج]

أخوكم علي الحاج العمر 30سنة موظف في فندق في بيروت أهوى الزجل اللبناني ولدي حفلات كثيرة وأتمنى من باقي الأعضاء الكرام إعلامي بحفلاتهم وأسماء الشعراء فيها بأسرع وقت

[لورانس ابو سيف]

اهلا وسهلا باخونا علي شرفت المنتدى يا مرحبا فيك

[aiman]

مية هلا بعلي
اخونا و شرفتنا
اصلك لبناني ولا مقيم؟

[aiman]

الظاهر اني ما رحبت باخونا عبود
و لو متأخرة
مية هلا و مرحبا
فيك و بحبابنا بالاردن
آنستنا
سلااام

[Bassel]

أخوكم علي الحاج العمر 30سنة موظف في فندق في بيروت أهوى الزجل اللبناني ولدي حفلات كثيرة وأتمنى من باقي الأعضاء الكرام إعلامي بحفلاتهم وأسماء الشعراء فيها بأسرع وقت
اهلا وسهلا عمي علي شرفتنا بالمنتدى

[جريس القطامي]

انا جريس القطامي من الاردن سكان عمان عمري 40 سنه أعزب من عشاق كرة القدم والسباحه ومشجع للنادي الفيصلي الاردني وريال مدريد الاسباني ومنتخب السامبا البرازيل , أعشق الشام جدا جدا ودائما لي زيارات لأقاربي في الشام وخربا ومن هواة الطبيعه الشاميه الخضراء وكل زياره لي للشام أذهب الى منطقة الميدان عند مطعم المحبه للأستمتاع بأكل الروس والكرشات وخاصة فتت الروس

[عبدالله الرشيد]

حيلا ومية هلا ومرحبا بالغوالي

[aiman]

هلا بالاخ جريس
و ما دام بتحب بطنك
معناتا انت عضو ممتاز و اصيل بالمنتدى
*yaloo*

[لورانس ابو سيف]

اهلا وسهلا فيك اخي جريس شرفت المنتدى

[جريس القطامي]

هلا بالاخ جريس
و ما دام بتحب بطنك
معناتا انت عضو ممتاز و اصيل بالمنتدى
*yaloo*
ههههههههههههههههههههههه أكل الرجال على قد أفعالها
والله بحب بطني كثير وخاصة الاكلات الشاميه واكثر اشي الشاكريه

[جريس القطامي]

اهلا وسهلا فيك اخي جريس شرفت المنتدى
هلا والله بالاخ لورانس يزيدك شرف وبتمنى التعرف على الجميع ان شاء الله قريبا