المساعد الشخصي الرقمي

مشاهدة النسخة كاملة : سؤال الى كل الاعضاء

rere
05-12-2008, 05:25 PM
سؤال الى كل الاعضاء ؟
ما اول خاطر يخطر على بالك عندما تسمع كلمة ............ خبب
King Diamond
05-12-2008, 09:16 PM
حجارها و بيوتها و أهلها المحبين ........
copen
05-12-2008, 11:31 PM
كاسة شاي تحت شجرة زيتون قعدة ما بنساها ابدآ وبس اتذكرها برجف
AboJado
05-13-2008, 12:36 AM
الارض و التراث و الاحبة
shadi
05-16-2008, 09:21 PM
jaras al knise
bahaa
05-17-2008, 12:33 AM
العنفواننننننن
AboJado
05-17-2008, 12:49 AM
حلوة هي العنفوان
وانا بزيد النشامة والشهامة
abo 7asan
05-17-2008, 09:55 AM
بتزكر مدينة افلاطون وقديش عنا الناس بتحب بعضها وما في حقد ولا كره كلو محبة ووئام بين الناس
يا الله نيالنا عهالقرية المثالية وبظل هيك ليصحيني حدا فبعرف اني كنت عم احلم
Father Fadi
05-17-2008, 10:43 AM
أيام الحصيدة والبيدر و الرجاد والدراس و والتتبين ....

خبب الحب الأول ومقاعد الدراسة

خبب السهرات الحلوة مع جمعة أصدقاء على نغمة الموال والعتابا والشبابة و أغاني عبد الحليم و وديع الصافي و سعدون الجابر ....................................

خبب لقمة الخبز المغمسة بعرق الجبين و بدم الايادي المجرحة من الشوك والمشققة من قبضة المعمول

خبب الصلاة المرتفعة إلى السماء من قلب ألهبه الحنين للقاء الرب و وفم يصدح مع رقة النسمات و تغاريد الطيور لحنًا إلهيّاً لسيد الخليقة.

خبب هي غمرة أم حنون لصبي كسرت يده فحملته على ذراعيها على طول طرقات القرية لتصل به إلى الطبيب وهي تقول ( وصلنا يا حبيبي لا تخاف أنا امك معك لا تبكي يا عمري).

خبب هي فرحة أبٍ بنجاح ابنه و هو ينظر من خلال عيني ولده في أفق المستقبل متفائلًا راجيًا و مصلياً ( يارب عليك الاتكال و منك أطلب التوفيق لأمتدادي الجسدي والروحي لفلذة كبدي و أمل حياتي )........


خبب ................................... آه آه منك يا خبب ........................
yanoo_sh
05-17-2008, 04:31 PM
اكيد الاصل والاهل وكقول الشاعر
اهلك يتهلك
والبلد والام والانتماء ومن ليس له انتماء لقريته ليس له انتماء لوطنه وكقول الشاعر
بس يلي مضيع وطن وين الوطن يلقاه ................
muhaned alrashid
05-17-2008, 08:02 PM
خبب هي كل شئ في حياة اي خببي
هي الهواء
هي الحب
هي الاهل
هي الذكريات
هي الوطن
هي الحياة
واخيرا وليس اخرا هي نبع المسيحة
bahaa
05-21-2008, 06:13 PM
ولله مزبوط يا ابو جادو ومعك حق
ولابونا فادي بس بحب اقلو يلعن روح حصيدة لانو طقيت واني احصد



ابو سليمان
جهاد زيات
06-26-2008, 09:33 PM
فرح الولاد و حلم الكبار
العيلة الوحدة
الله محبة يسوع معنا
راتب العكة
06-27-2008, 04:38 PM
تتزاحم الافكار والصور والكلمات وابدوا عاجزا عن التعبير فابلع ريقي واصمت
هذه ترجمة حقيقية لمشاعري دون تجميل عندما قرات السؤال
مع محبة يسوع
anees mhana
06-28-2008, 05:00 PM
أما أنا عندما أسمع كلمة خبب:
فأتذكر .. ثلاثة أشياء:
أولها: بيت شعر لمحمود درويش هو:
في دمشق، أعدّ ضلوعي
وأرجع قلبي إلى......... خببــــــــــــــــــــــــــه
لعل التي أحببتها.....، قتلتني
ولم أنتبه!!
وثانيها: أتذكر.... بصير..، وسهرة على ضوء سراج يقاوم هبة ريح صيفية، ورغيف خبز "شراك" خبزته أمي، عند صباح باكر..
وثالثها: أغمض عينيّ، وأغفو إغفاءة الموت، و يشدني صوت يشبه من بعيد صوت... حبيبي
وأتذكر...آه.... وجه القمر؟؟؟!!!
...... أنيس
copen
06-29-2008, 11:46 AM
أول ما يخطر ببالي عند سماع اسم خبب كما ذكرت سابقا كاسة الشاي تحت شجرة الزيتون ولكن لا يجب أن انسى يدي من أحب فقد قدمتا لخبب مالم يقدمه أحد بعد
أبو الحيايا
06-29-2008, 06:22 PM
بتذكر دار رواج و بيت أبو أيمن و سناء و ميساء ( أم ألياس و أم محسن )
mirna
07-01-2008, 06:59 AM
بتذكر تجّهم الطبيعة والشوارع الفاضية بفصل الخريف و وأولاد المدارس الصغار
وبحس انو العالم نسينا بفصل الشتاء ومنظر زخات المطر ونحنا عم نركض لنصل عا البيت
والسهرات كل واحد حامل بيل بايدوا ورايح يسهر عند فلان ويلعب ورق شدة وبيحكوا انو الدنيا محل ومافي مطر ورغم هالشي الكل رح يزرع الارض لأنو رحمة الله كبيرة . .. . . . .
وفصل الربيع والرحلات عالوعر ونوخذ الزوادة معنا وصوت جرس الكنيسة بسما الضيعة وصلاة
يارب القوات والتمشاية بعد الصلاة وبشهر أيار شهر الورد شهر العذرا وريحة الزيزفون بالحارة وكمان الياسمين والورد بكل ألوانه ومحبة أمنا العدرا عم تغمرنا
وفصل الصيف والتمشاية آخر الليل ونحنا عم ندندن أغاني فيروز ونطلع عالقمر والنجوم بهاالسما الصافية
والاعراس كل اسبوع في ناس عم تعلن حبها على المذبح والرب ببارك من فوق وأحلى شي والعروسين عم ينزلو من درج الكنيسة العالي
ولمة الاهل بالاعياد ورجوع المغتربين واللحظات الحميمة
هاي هي خبب بعيوني . . . . . . . . . . . . . . . . . .
snow wolf
07-01-2008, 10:27 AM
طبعا الشباب ما قصرو وما خلولي مجال لعبر لانو حكو كل شي بالقلب لخبب لكن خبب اكبر من هيك يعني بنقدر نقول مدينة افلاطونية ( طبعا برأينا اهل خبب ) صعبة الوصف وانا كل ما اسمع خبب بتذكر المحبوبة حتى بس اكون بالشام واجي على الجسر بقرا خبب ترحب بكم ما عاد بعرف شعوري وبتطلع على سما خبب وبتذكر عيون المحبوبة وروح بخيالي لبعيد لمطرح يمكن صعب الواح يوصلو غير اذا تزكر خبب


والله احلى خبب

و احلى شباب خبب

واللي زادها حلى اجتماع شبابها على
خبب دوت نت
james
06-03-2010, 07:56 PM
اذكر امي واهلي واحبابي واصدقائي واهل خبب وسمائها ومائها وترابها وكل شيء فيها وذكرياتي واحلامي وامنياتي شكرا شكرا شكرا لانك كتبت عن هذا الموضوع*اقرا لانجيل**preach**الصليب*@امين#*
fadi shadad
06-03-2010, 09:54 PM
♦♥♣♦
trix and tarnib
عبدالله الرشيد
06-04-2010, 08:34 AM
خبب هي انا وانت والعمر اللي مضى
yazan darwich
06-05-2010, 03:18 PM
كان عمري 13 سنة تقريباً و بما أني ساكن بالشام ـ للأسف ـ سألت الأهل :
شو بتحبو بخبب؟؟؟
جاوبني والدي بعد ما استغفر الله :
يا ابني ازا عشت حياتك بسلام و رضيت الله و أهلك و ما خطيت ، بس تموت وين بيبعتك الله؟؟!!!!
جاوبت : عالجنة..
رد علي والدي : لأ ع خبب .
و بس بلشت أوعى عالدنيا اكتشفت أنو الفكرة منطقية لأنو عنجد خبب جنة.
SUHAIB
06-05-2010, 03:54 PM
الله عليك يا يزن عم افهم كلامك كتير صح
بارك الله فيك
وتحياتي الصادقة لابو يزن

عش اينما عشت وان مت فمت في خبب
طبعا المقصود من الكلام باسوء الاحوال
انتظر العم ابو رشيد ليشرح لنا عن هذه الجملة
yazan darwich
06-06-2010, 02:31 PM
و صدقاً يا أبو الصهايب مش حاس أنو الوالد كان عم يبالغ
MAAN ALHATEM
06-06-2010, 02:37 PM
مرحبا يا شباب
طبعا الكل حكى و ما حدا قصر و كلامكم مزبوط مية بالمية
انا حابب اضيف شغلة وحدة
اول ما اسمع كلمة خبب احس
بالاماااااااااااااان
لورانس ابو سيف
07-18-2010, 05:30 PM
اشعر بالحنين والمحبة والاشتياق والعزة والكرامة