موضوع سابق ( الثرثرة : أسبابها و علاجها ).

[Father Fadi]

أحبائي كنت قد طرحت هذا الموضوع للنقاش على المنتدى قبل ان يصاب السيرفر بعطل

وانا أحب ان يشارك الجميع في هذا النقاش

لأني في الحقيقة أجد في الثرثرة مرضا خطيرا في المجتمعات الشرقية وبشكل خاص في المجتمعات الريفية الضيقة.

إنها عادة بغيضة تتناول الناس في أعراضهم وفي حياتهم الخاصة ويجلس فيها الناس في مضافاتهم و صالوناتهم ليدينوا الآخرين و ( ينشروا عرضون وما يخلوا عليهم ستر مغطى) وكأن شيئًا لم يكن وغالبا ما يذهب البعض إلى أكثر من ذلك ( فيضيفون الملح والبهار ويجعلون من الحبة قبة) فتصبح هذه الثرثرة سلاحاً هدامًا لتخريب البيوت و قطع أواصر المحبة والقربة والصداقة بين الناس.
والقديس يعقوب يحذرنا في رسالته 3/1-11 ويشبه اللسان بالنار اليسيرة التي تضرم غابة عظيمة .


فما هي اذن أسباب هذه الآفة المرضية ؟؟ وما هي الأساليب الناجعة للشفاء منها؟؟؟؟؟؟؟؟

[copen]

ابونا من اسباب الثرثر انو هلاشخاص ما عندن شي يعملوه سوى الحكي يعني فاضين لهيك شغله هاي وجهة نظري وانا بحكم عملي في بلاد برى عم شوف انو الغرب بثرثر اكثر من المجتمع العربي

[King Diamond]

بس أنا بعرف أنو الأجانب بيحكو بس المفيد

[nona]

الثرثرة ونقل الحكي متل الأمراض اعضال الي من الصعب انو نشفى منها بيوم من الأيام حتى لوما ضل انسان بالعالم بيصير الشخص يحكي على حالو وهالمشكلة مو بس موجودة ضمن دائرة الكبار بالسن بالعكس هي أكتر انتشارا بين الشباب وبعد ما يخلصو حكي بقولو ترى نحنا ما منحب الحكي ع العالم فهذا يا أبونا داء ليس له دواء

[nona]

صحيح ....... لما كل يوم منسأل شو في أخبار سواء كنا عم نطرح سؤالنا بالقرية بغرض الحصول عن معلومات عن أهلها
أو بمدينة لما نقصد أخبار سياسية اقتصادية ثقافية فالدافع واحد وهو ارتباط هالأخبار برغبة عنا للاستطلاع ومعرفة أخبار العالم والرغبة
بالنميمة ونقل الحكي وبصفي الاختلاف الوحيد هو بالضرر الناتج عن الثرثرة فابالريف الضيق اكيد رح تحكي الناس عبعضها بحكم معرفتها
ببعضها وعدم الاهتمام الكبير بأخبار السياسة والاقتصاد والثقافة نتيجة هالشي رح يسيئوا لأولاد القرية نفسها وبالمدينة بالعكس نتيجة انشغال
كل واحد بحالو {طبعا مو بشكل مطلق }مارح تحكي الناس عبعضها بس بتشبع رغبتها بتلق الأخبار من وسائل الاعلام فالثرثرة معاد صفت
لا مشكلة ولا ظاهرة. ما بعرف بشوفها غريزة موجودة فينا وان اختلفت طرق اشباعها من شخص لأخر.
شكرا أبونا ع الموضوع وناطرين ردك.

[adham]

الثرثرة وكثرة الحكي هو موضوع شخصي... بيختلف من شخص لأخر حسب درجة ثقافتو واستيعابو للعالم المحيط... هاي الظاهرة موجودة في بلدان العالم جميعاَ... بس الفرق الوحيد أنو بالمجتمعات الضيقة "وخصوصاً بمجتمعنا" في كثير من الأحيان بتكون مؤذية....

يعني بتشهد حالات كثيرة الناس يوم تنقل خبر عن أي شخص أخر مابتنقل الخبر بس لمجرد نقل الخبر... لا... الغاية الوحيدة هي الأذية والشماتة وضيقة العين .... وهذا سببو طبعاً بيرجع لقلة الشغل وانخفاض مستوى الوعي وانعدام المنطقية والإنغلاق الإجتماعي (العيش ضمن فقاعة القرية ورفض الاندماج مع جميع الثقافات المحيطة) والأهم "الفشل الإجتماعي"...

حلو الإنسان يتعرف على أخبار الناس ويسمع عن أفراحهم واتراحهم ونكساتهم... بس مابصير نقل هذا الخبر للأشخاص الغير مؤهل لهم لسماع أو التحدث بهذا الخبر (وبقصد الأطفال،،، وهاي ظاهرة موجودة بشكل كبير... يعني بتشوف الولد بيحكي بالخبر قبل الكبير... وطبعاً هذا الشي غلط).



موضوع حلو كثير أبونا.... يعطيك العافية يارب...


تحياتي.
.
.
.

[wissamkhalil]

شغلة يلي ما لو شغلة
من ابو خليل مصر العربية