يا أبتي اغفر لهم إنهم لا يدرون ما يفعلون

[بنت خبب]

كانت من قبل تحب حالا .. تحب الدنيا والعالم .. ريحة الورد وصوت قطرة الندى ... كانت تحس حالا غير ... لأ .. كانت تعرف إنو هيي غير ... إنو مانا نسخة مكررة .. أسهل شي بالنسبة لإلا إنو تكسب محبة العالم .. إنا تحكي و تضحك و بعدين تستمتع بنظرات و كلمات تعودت عليا مع الوقت و ما عادت تعنيلا شي ... إي لعنتا إنا محبوبة ... إنو كل ما بتتعرف على حدا بيقلا .. وين كنتي من زمان ... إنتي كتير مميزة .. حلوة و بتنحبي .. وووووو شي منو كتير ... ممكن قبل ما تحسدوا تسألوا ... خدوا رأيا عل قليلة .. حاج تقولوا نيالا .. حاج تغمزوا بعض و تتمنوا تكونوا هيي ... تعبت من الحكي الحلو و كلمة بحبك صارت بالنسبة لإلا متل وجع .. كتير منكون حيقولوا .. شو هالحكي هاد .. صدقوني .. ما حدا فينو يقضي يوم بشخصيتا .. كرهت حالا و قرفت من تميزا يلي بيقلع العين .. صار بدا تكون إنسانة عادية .. هيك ما حدا يلاحظا و لا حدا يلتكش فيا ... بدا تكون إنسانة هامشية .. تعبت من إنا دايماً هيي المركز .. دايماً لإلا كل الاهتمام .. حاولت و بكل مرة كان لسانا يتدخل و ضحكتا و نكتا و جنونا ... كلمة صداقة كانت من أحلى الكلمات ... صارت كابوس .. هيي ما عندا رفقة .. كل ما بتحاول تكون رفيقة حدا بتتدخل الكلمة السحرية و بتخرب كلشي ... صارت تتعمد لما تلتقي حدا جديد تضل ساكتة ...ولما تحكي .. تقول أنا كتير العالم بيفهموا عفويتي غلط .. كل الشباب بيحبوني بالأخير ... أنا بدي صديق .. أخ .. ما بدي حبيب .. هلأ عالأغلب أخونا بيجاوب .. إي أكيد أنا فهمانك صح ولا يهمك .. بس بعد فترة .. بيتكرر السيناريو و بترجع بتعاني من الموضوع من أول وجديد ... يا ناس فهموا ... على قد ما بتحبوا على قد ما بتكره حالا .. بتكره ثقتا المعدومة بالعالم .. بتكره الكلمات يلي بتخلي أي حدا يحب و ينحب ... مشكلتا مالا حل .. يلي شايفا سخافة .. نيالو .. لإنو بعمرو ما حس متلا .. ولا رح يحس .. لإنو إنسان عادي .. مانا عم تطلب كتير .. كتير صعب يعني إنو تكون معادة التصنيع .. إنو تكون بدون حركات و تعابير و ضحكة ... رح تتعرف على عالم من أول و جديد ورح يصير نفس الشي بس .. خلص ما عاد تزعل و قطرات الندى رح تختنق بدون صوت

[wasted]

انا رح رد بس يمكن النص لازم ينقرا مرة تانية وتالتة ويمكن اكتر بس اكيد رح رد

[muhaned alrashid]

يا بنت خبب
كلامك حلو
ليك ما في اسهل من الانسان انو يكون عادي بس يسمع ويطنش هيك احسن حل
مع تحياتي
منهد الرشيد
المانيا

[wasted]

بنت خبب انا حابب اسالك كم سؤال
انت كان الك دور بصنع مشكلتك يعني هل كنت تحبي الظهور مثلا
هل انت ما شعرت ابدا بنوع من الاهتمام لما الناس بتحس بقيمتك وبتحاول تهتم فيكي

موضوع الصداقة انا معك يمكن الصداقة صعبة عنا عم قول يمكن بس ما بعرف مبدأ الصداقة بين الشب والبنت معقد شوي وانا شخصيا بشك فيو بغالب الاحيان بس نحنا مجتمع قريب للرومنسية بطبعو يعني مثلا كنت مبارح عم شوف حلقة للاتجاه المعاكس عن المسلسلات التركية واتفاجأت انو كانت نسبة المشاهدة لهذه المسلسلات 128 مليون ما بعرف اذا هالشي الو علاقة بموضوعك بس يلي بحسو انو اغلب الشباب بيحبو حالة الحب وبحاولو يبحثو دايما عنها

اخيرا انا بقلك انت هلق بمكان ممكن الكل ينتبه لعقلك ولافكارك يعين انا بدعوكي انو تكوني صداقات بالمنتدى ونصيحة لا تكفي مين انتي
ودايما قولي للكل انو غنيتك المفضلة "كن صديقي" لماجدة الرومي

وشكرا عالموضوع لانو بصراحة بيّن نقطة يمكن كتير غابت عنا فكتير من الشباب عندن قناعة انو البنت دايما بتحب تكون بمركز كل حديث وجلسة بس انت عطيت راي مختلف انو الانسان بيكون مرتاح لما يكون عادي

[adham]

هاي هية حال الدنيا... وهاي هية حال كل بنت وكل شب... المشكلة ماإلها حل... الحل هو القناعة أو المشي بعكس التيار...

الله يعيينا جميعاً ....


تحياتي القلبية...
......

...


.

[بنت خبب]

يا بنت خبب
كلامك حلو
ليك ما في اسهل من الانسان انو يكون عادي بس يسمع ويطنش هيك احسن حل
مع تحياتي
منهد الرشيد
المانيا

ردك الحلو وبدي بلش أعمل بنصيحتك

[بنت خبب]

بنت خبب انا حابب اسالك كم سؤال
انت كان الك دور بصنع مشكلتك يعني هل كنت تحبي الظهور مثلا
هل انت ما شعرت ابدا بنوع من الاهتمام لما الناس بتحس بقيمتك وبتحاول تهتم فيكي

موضوع الصداقة انا معك يمكن الصداقة صعبة عنا عم قول يمكن بس ما بعرف مبدأ الصداقة بين الشب والبنت معقد شوي وانا شخصيا بشك فيو بغالب الاحيان بس نحنا مجتمع قريب للرومنسية بطبعو يعني مثلا كنت مبارح عم شوف حلقة للاتجاه المعاكس عن المسلسلات التركية واتفاجأت انو كانت نسبة المشاهدة لهذه المسلسلات 128 مليون ما بعرف اذا هالشي الو علاقة بموضوعك بس يلي بحسو انو اغلب الشباب بيحبو حالة الحب وبحاولو يبحثو دايما عنها

اخيرا انا بقلك انت هلق بمكان ممكن الكل ينتبه لعقلك ولافكارك يعين انا بدعوكي انو تكوني صداقات بالمنتدى ونصيحة لا تكفي مين انتي
ودايما قولي للكل انو غنيتك المفضلة "كن صديقي" لماجدة الرومي

وشكرا عالموضوع لانو بصراحة بيّن نقطة يمكن كتير غابت عنا فكتير من الشباب عندن قناعة انو البنت دايما بتحب تكون بمركز كل حديث وجلسة بس انت عطيت راي مختلف انو الانسان بيكون مرتاح لما يكون عادي
ملاحظ انو ردك شوي امبالغ فيه بعدين ما معقول قول شي وأعمل شي ثاني وياريت تفهم قصدي الشي الوحيد الي عم اقصدو انه اذا ما في اعجاب متبادل لنكون حبايب ليش ما نكون اخوة أغلب الشباب عم يفهم قصد الصداقة بين الشب والبنت انه حب وهون الغلط عم يكون شكرآ

[بنت خبب]

هاي هية حال الدنيا... وهاي هية حال كل بنت وكل شب... المشكلة ماإلها حل... الحل هو القناعة أو المشي بعكس التيار...

الله يعيينا جميعاً ....


تحياتي القلبية...
......

...


.

معك حق ادهم شكرآ على الرد

[wasted]

طيب انا هون رح اسالك انتي كيف بتفهمي الصداقة بين الشب والبنت
يعني هل ممكن تكون بمجتمعنا واذا لأ ليش برأيك

[adham]

طيب انا هون رح اسالك انتي كيف بتفهمي الصداقة بين الشب والبنت
يعني هل ممكن تكون بمجتمعنا واذا لأ ليش برأيك


برأيي الشخصي الصدافة بين البنت والشب ليست مستحيلة وإن كانت صعبة... لانو دائماً التفكير الجنسي في معظم الأحيان وليس بجميع الأحيان بيطغى على العلاقات بين الجنسين.. ولكن مابيمنع من إيجاد علاقة صداقة طاهرة وشريفة بين بنت وشب.. وبتصور الدليل أنو كلنا مرينا أو عم بنمر بتجارب من هالنوع...

[وائل الخليل]

والله ما بعرف شو بدي قلكون

يا أعزائي وانا عم بحكي عن تجربة شخصية، برأيي ما في اسهل من الصداقة بين البنت والشب، وبالذات بالمجتمع السوري غير باقي المجتمعات العربية اللي ببتراوح بين الانحلال الأخلاقي ببعض المجتمعات والتعصب الأعمى ببعضها الآخر، وانا ما ببالغ لو قلتلكون انو عندي اصدقاء بنات كتير وأعزاء كتير، منزور بعضنا بالأعياد ومنفتح قلوبنا لبعض، حتى في منهون بيحكولي عن مشاكلهون العاطفية وبيستشيروني بشغلات بصفتي شب وبعرف كيف بيفكرو الشباب، هاد غير صداقتي مع أهاليهون كمان، وهالشغلة انا بعتز فيها.

طبعاً الصداقة بين الشب والبنت، بتتحول أحياناً لشكل أرقى من صداقة الشب للشب أو البنت للبنت، لأنو بتزول حواجز الغيرة، وكمان بتكون أغلب الأحاديث والانتقادات بناءة أكتر وغيرو غيراتو ...

بس بالأخير، اذا كانت هالصداقة في بعض الأحيان صعبة، هاي شغلة ما فيك تحط فيها الحق عالشب او البنت دايماً، لأنو نظرة المجتمع للبنت هو اللي بيسبب وللأسف تكسير هالعلاقة بأغلب الأحيان.

هاد رأيي الشخصي طبعاً
ومشكورين عالنقاشات الحلوة والبناءة

[بنت خبب]

طيب انا هون رح اسالك انتي كيف بتفهمي الصداقة بين الشب والبنت
يعني هل ممكن تكون بمجتمعنا واذا لأ ليش برأيك
ليش ما تكون في صداقة الصداقة جاية من كلمة صدق وقلال الصدوقين بهلدنا عندي رفقات من الجنسين

[بنت خبب]

والله ما بعرف شو بدي قلكون

يا أعزائي وانا عم بحكي عن تجربة شخصية، برأيي ما في اسهل من الصداقة بين البنت والشب، وبالذات بالمجتمع السوري غير باقي المجتمعات العربية اللي ببتراوح بين الانحلال الأخلاقي ببعض المجتمعات والتعصب الأعمى ببعضها الآخر، وانا ما ببالغ لو قلتلكون انو عندي اصدقاء بنات كتير وأعزاء كتير، منزور بعضنا بالأعياد ومنفتح قلوبنا لبعض، حتى في منهون بيحكولي عن مشاكلهون العاطفية وبيستشيروني بشغلات بصفتي شب وبعرف كيف بيفكرو الشباب، هاد غير صداقتي مع أهاليهون كمان، وهالشغلة انا بعتز فيها.

طبعاً الصداقة بين الشب والبنت، بتتحول أحياناً لشكل أرقى من صداقة الشب للشب أو البنت للبنت، لأنو بتزول حواجز الغيرة، وكمان بتكون أغلب الأحاديث والانتقادات بناءة أكتر وغيرو غيراتو ...

بس بالأخير، اذا كانت هالصداقة في بعض الأحيان صعبة، هاي شغلة ما فيك تحط فيها الحق عالشب او البنت دايماً، لأنو نظرة المجتمع للبنت هو اللي بيسبب وللأسف تكسير هالعلاقة بأغلب الأحيان.

هاد رأيي الشخصي طبعاً
ومشكورين عالنقاشات الحلوة والبناءةوائل معك حق على فكرة البنت بمجتمعنا العربي ممنوعة من كل شي حتى ولو صداقة عادية بفكروها حب وحتى الشب الي ما بكون فيه بيناتن غير صداقة ما بتشوفو غير بداء يغار عليها ما في امل حتى مبدأ الصداقة غلط