Father Fadi
04-30-2008, 08:16 PM
شروقي
في البدء كان الإله وكوّن الإنسان
وأوجد جناين عدن تيسكنو فيها
وكانت كواكب زحل والشمس والميزان
وهلال يكبر قمر بالنور يضويها
وأنهار تزرع حلا بالسهل والوديان
وزهور آية سحر تفرش روابيها
وأطيار ترقص على أوركسترا الألحان
والكون قطعة صلا جبريل يتليها
وأثمار يا للخجل تاكي على الأغصان
سبحان يلي سكب شهد العسل فيها
والأرض تعبت ونامت والقمر سهران
يفلش لجينو تايغطيها
والصبح لما طلع كالعاشق الولهان
قبّل خدود الأرض حتى يوعيها
ووعيت وآدم وعي تيطالب الديّان
يا رب بدّي رفيقة عمر حاكيها
وللحال حوّا إجت والشرّ منها بان
وأغرت بحبة ثمر زوجا وراعيها
وخالف وصايا الإله وشكّ بالإيمان
وتُفاح حوّا أكل كرمال يرضيها
وجازاه ربّ السما بطردوا من البستان
وكانت خطيئة أصل نسلوا ابتلى فيها
لكن ربّ السما المعروف بالتحنان
حتى يخلّص ولادوا من معاصيها
عَ الأرض قرر يجي ويحطّم التيجان
يفدي بدمّوا البشر يفدي أهاليها
بمذود مغارة ولد هالطفل والرعيان
جابوا المواشي لمريم تاتدفيها
وانزاح نجم السما يهدي المجوس الكان
حامل هدايا الذهب وشموع يضويها
ويسوع راد الصلب والموت والأكفان
وعينو تحدّق بمريم تايقويها
قلاّ لا تبكي يا أمّي يا بنت عُمران
هيدي رسالة سما لازم أُؤديها
قصّة حكاية خلق تتضل بالأذهان
التاريخ صبح ومسا للناس يرويها
في البدء كان الإله وكوّن الإنسان
وأوجد جناين عدن تيسكنو فيها
وكانت كواكب زحل والشمس والميزان
وهلال يكبر قمر بالنور يضويها
وأنهار تزرع حلا بالسهل والوديان
وزهور آية سحر تفرش روابيها
وأطيار ترقص على أوركسترا الألحان
والكون قطعة صلا جبريل يتليها
وأثمار يا للخجل تاكي على الأغصان
سبحان يلي سكب شهد العسل فيها
والأرض تعبت ونامت والقمر سهران
يفلش لجينو تايغطيها
والصبح لما طلع كالعاشق الولهان
قبّل خدود الأرض حتى يوعيها
ووعيت وآدم وعي تيطالب الديّان
يا رب بدّي رفيقة عمر حاكيها
وللحال حوّا إجت والشرّ منها بان
وأغرت بحبة ثمر زوجا وراعيها
وخالف وصايا الإله وشكّ بالإيمان
وتُفاح حوّا أكل كرمال يرضيها
وجازاه ربّ السما بطردوا من البستان
وكانت خطيئة أصل نسلوا ابتلى فيها
لكن ربّ السما المعروف بالتحنان
حتى يخلّص ولادوا من معاصيها
عَ الأرض قرر يجي ويحطّم التيجان
يفدي بدمّوا البشر يفدي أهاليها
بمذود مغارة ولد هالطفل والرعيان
جابوا المواشي لمريم تاتدفيها
وانزاح نجم السما يهدي المجوس الكان
حامل هدايا الذهب وشموع يضويها
ويسوع راد الصلب والموت والأكفان
وعينو تحدّق بمريم تايقويها
قلاّ لا تبكي يا أمّي يا بنت عُمران
هيدي رسالة سما لازم أُؤديها
قصّة حكاية خلق تتضل بالأذهان
التاريخ صبح ومسا للناس يرويها